Tsjeggiese Nasionale Rugbyspan

Rugby in Tsjeggië word deur die Tsjeggiese Rugbyunie (Tsjeggies: Česká Rugbyová Unie) geadministreer. Die Tsjeggiese rugbyspan is tans (18 Desember 2019) 37ste op Wêreldrugby se wêreldranglys gelys.

Tsjeggië
Unie		Tsjeggiese Rugbyunie
Afrigter(s)		Miroslav Němeček en Pavel Pala
Kaptein(s)		Marek Loutocký
Spankleure		Alt. kleure
Statistiek
Meeste toetse		Pavel Syrovy (28)
Meeste punte		Martin Kafka (153)
Meeste drieë		Jan Rohlik (7)
Eerste internasionale wedstryd
Tsjeggo-Slowakye 5–21 Roemenië (22 Mei 1927) Andorra 6–3 Tsjeggië (15 Mei 1993)
Grootste oorwinning
Tsjeggië 95–5  Kroasië (7 April 2002)
Grootste nederlaag
Italië 104–8 Tsjeggië (Viadana, Italië; 18 Mei 1994)
Unie webwerf
www.rugbyunion.cz

Die span het vir die eerste keer in 1993 as Tsjeggië rugby begin speel nadat Tsjeggo-Slowakye verdeel is. Voor die ontbinding het die span as Tsjeggo-Slowakye gespeel. Die span speel in die Europese Rugbykampioenskap. Die span het tot dusver nog nie vir die Rugbywêreldbeker gekwalifiseer nie, al ding hulle sedert 1995 in die kwalifisering mee. Die sport is in die land nog steeds op amateurvlak, maar daar is verskeie Tsjeggiese spelers wat in Frankryk professioneel speel, waaronder Martin Jágr.

 

In 2005 het Tsjeggië die Australiese Superrugbyspan Waratahs na Praag genooi, maar met 3–94 verloor.

Tsjeggië het op 16 Desember 2009 Hongkong op Synot Tip Arena in Praag met 17–5 geklop. Dit was die laaste wedstryd vir ses spelers: Antonín Brabec, Jan Macháček, Jan Oswald, Pavel Syrový, Ladislav Vondrášek en Jan Žíla.

Tsjeggië is in 2014 van die Europese Nasiesbeker se Eerste Divisie na die Tweede Divisie afgegradeer, nadat hulle op die sesde plek in hul groep geëindig het.

Op 9 November 2016 het Tsjeggië ter herdenking van die Tsjeggiese Rugbyunie se 90ste verjaarsdag in ’n historiese wedstryd teen die Britse Barbarians te staan gekom. Dié wedstryd is op die Marketa-stadion in Praag aangebied. Hulle is egter deur die Barbarians 71–0 geklop.

Algehele rekord

Tsjeggië het teen 18 Desember 2019 124 van hulle 286 toetswedstryde gewen, ’n wenrekord van 43,36%. Dit sluit Tsjeggo-Slowakye se statistiek in.

Tsjeggië se toetsrekord teen alle lande: (Korrek op 18 Desember 2019)

Teen	Gespeel	Gewen	Verloor	Gelykop	% Gewen
Andorra	3	2	1	0	66,67
België	13	7	5	1	57,69
Britse Barbarians	1	0	1	0	0
Bulgarye	6	5	1	0	83,33
Denemarke	2	2	0	0	100
Duitsland	11	2	9	0	18,18
Frankryk	10	0	10	0	0
Georgië	8	0	8	0	0
Hongarye	2	2	0	0	100
Hongkong	1	1	0	0	100
Israel	3	2	0	1	83,33
Italië	13	1	11	0	11,53
Italië B	1	0	1	0	0
Kroasië	6	5	1	0	83,33
Letland	2	2	0	0	100
Litaue	2	1	1	0	50
Luxemburg	2	2	0	0	100
Malta	3	3	0	0	100
Marokko	6	3	3	0	50
Moldowa	7	3	4	0	42,85
Oekraïne	9	5	4	0	55,55
Oos-Duitsland	11	10	1	0	90,90
Pole	35	16	17	2	38,57
Portugal	12	0	12	0	0
Roemenië	25	0	24	1	2
Roemenië A	1	0	1	0	0
Roemenië B	3	1	2	0	33,33
Rusland	8	2	6	0	25
Serwië	8	7	1	0	87,50
Sowjetunie	6	2	4	0	33,33
Spanje	13	4	8	1	34,61
Swede	10	8	2	0	80
Switserland	8	6	2	0	75
Tunisië	5	2	3	0	40
Wes-Duitsland	13	9	3	1	73,07
Totaal	286	124	154	8	43,36

Wêreldbekerrekord

• Wiki Afrikaans  Wiki Commons het meer media in die kategorie Tsjeggiese nasionale rugbyspan.
• (cz) Amptelike webwerf van die Česká Rugbyová Unie