Tour Montparnasse: Wolkekrabber in Parys
Tour Montparnasse is die tweede hoogste wolkekrabber (naas die Tour First) in Frankryk - en die enigste in die stadsgebied van Parys, geleë in die Quartier Necker in die 15de arrondissement (stadsdistrik).
Die gebou is in 1972 voltooi en het 'n hoogte van 210 meter en 59 verdiepings. Die wolkekrabber is ontwerp en gebou tydens 'n periode van snelle groei en skaars kantoorruimte in Parys, maar was as 'n monolitiese swart toringgebou in 'n sentrale kwartier met histories lae gebouhoogtes en helder fasades van begin af omstrede - ondanks die destydse staatspresident Georges Pompidou se steun vir die projek. Vervolgens is die oprigting van nuwe toringgeboue met meer as sewe verdiepings vier dekades lank verbied en het kwartiere met wolkekrabbers derhalwe net buite die stadsgrens, so in La Défense, ontstaan waar hulle nie die uitsig op die sentrale element van Parys se stadshorison, die Eiffeltoring, kan belemmer nie.
Die Tour Montparnasse se uitsigdek, geleë op 'n hoogte van 210 meter, bied 'n panoramiese uitsig oor die Paryse stadsgebied wat in goeie weerstoestande sowat veertig kilometer ver kan strek.
In 2017 is besluit om die wolkekrabber van 'n volledig nuwe fasetryke glasfasade te voorsien - met die oog op die Olimpiese Somerspele 2024 wat in Parys gehou sal word.
Fotogalery
Verwysings
Eksterne skakels
- Wiki Afrikaans
Wiki Commons het meer media in die kategorie Tour Montparnasse.
2°19′20″O / 48.84167°N 2.32222°O
This article uses material from the Wikipedia Afrikaans article Tour Montparnasse, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.