Theodorus Theo van Gogh (1 Mei 1857 – 25 Januarie 1891) was ’n Nederlandse kunshandelaar.
Hy was die jonger broer van die skilder Vincent van Gogh; Theo se finansiële en emosionele steun het sy broer in staat gestel om sy lewe geheel en al aan skilderwerk te wy. Theo is op 33-jarige ouderdom oorlede, ses maande ná Vincent (op 37).
Theo van Gogh | |
---|---|
Theo van Gogh in 1878 | |
Gebore | Theodorus van Gogh 1 Mei 1857 Groot-Zundert, Nederland |
Sterf | 25 Januarie 1891 (op 33) Utrecht, Nederland |
Nasionaliteit | Nederland |
Beroep | kunshandelaar |
Bekend vir | Korrespondensie met sy broer Vincent van Gogh |
Eggenoot | Johanna Bonger (1889–1891; sy dood) |
Ouer(s) | Theodorus van Gogh Anna Cornelia Carbentus |
Theo het ’n paar jaar lank in die Nederlandse kantoor van die Paryse kunshandelaars Goupil & Cie in Den Haag gewerk. Hy het op 1 Januarie 1873 by die Brusselse kantoor aangesluit as hul jongste werknemer. Nadat hy na die Londense kantoor verplaas is, het hy na die kantoor in Den Haag geskuif, waar hy ’n belangrike kunshandelaar geword het. Teen 1884 is hy na die hoofkantoor in Parys verplaas.
Van die Europese winter van 1880–1881 af het hy skildermateriaal en ’n maandelikse bedrag gestuur aan Vincent, wat in Nederland gewoon het.
This article uses material from the Wikipedia Afrikaans article Theo van Gogh, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.