Witrugeend: Voëlspesie
Die witrugeend (Thalassornis leuconotus) is 'n algemene standvoël van Suidelike Afrika.
| Witrugeend | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Subfamilie: | Thalassorninae |
| Genus: | Thalassornis Eyton, 1838 |
| Spesie: | T. leuconotus |
| Binomiale naam | |
| Thalassornis leuconotus Eyton, 1838 | |
| Subspesies | |
| | |
Identifikasie
Dit is 'n ronde, stewige eendjie van 38–40 cm. Sy massa is ongeveer 625 tot 800 gram.
Die witrugeend het 'n gevlekte bruin rug en 'n relatief groot kop met 'n vaal vlek op die basis van die snawel. In vlug kan die wit rug waargeneem word. Geen onderskeid tussen manlik, vroulike en onvolwasse voëls nie.
Habitat
Die habitat is hoofsaaklik varswaterdamme en vleiland. Hierdie eende is goed aangepas vir duik en duiktye tot 'n halfminuut is al waargeneem waarby soveel as 65 meter afgelê word. Hulle is sku en hou gewoonlik van riete om agter te skuil.
Dieet
Die eende eet hoofsaaklik plantmateriaal, veral sade en blare, jong eende eet ook ruspes en inseklarwes.
Verspreiding
Die witrugeend kom veral in die oostelike dele van Suider-Afrika voor.
Hierdie taamlik seldsame eende kom ook voor in Wes-Afrika tussen Senegal en Tsjad en in Oos-Afrika vanaf Ethiopië tot in Suid-Afrika en Madagaskar.
Geluid
Die eend uiter 'n lae-noot fluit.
Subspesies
- T. l. leuconotus
- T. l. insularis
Ander name
- Engelse naam: White-backed Duck
- Wetenskaplike naam: Thalassornis leuconotus
Sien ook
Bronnelys
- KENNIS, vol 14, 1980, bl. 2898-2899, ISBN 0 7981 0836 3
This article uses material from the Wikipedia Afrikaans article Witrugeend, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.