Tasneem Motara: Suid-Afrikaanse politikus
Tasneem Motara (gebore 7 Desember 1982) is 'n Suid-Afrikaanse politikus en lid van die African National Congress.
Sy dien sedert Mei 2019 as die Gautengse LUR vir infrastruktuurontwikkeling en eiendomsbestuur en is 'n lid van die Gauteng provinsiale wetgewer. Sy het as 'n afgevaardigde van die Nasionale Raad van Provinsies vanaf Mei 2014 en Mei 2019 gedien. Motara het vir Gauteng verteenwoordig en was die hoofsweep van die provinsiale afvaardiging.
| Tasneem Motara | |
.png) Motara by haar inhuldigingseremonie in Mei 2019 | |
Gautengse LUR vir infrastruktuuronwikkeling en eiendomsbestuur | |
| Ampsbekleër | |
| Termynaanvang 30 Mei 2019 | |
| Premier | David Makhura |
|---|---|
| Voorafgegaan deur | Jacob Mamabolo |
Lid van die Gauteng provinsiale wetgewer | |
| Ampsbekleër | |
| Termynaanvang 22 Mei 2019 | |
Afgevaardigde van die Nasionale Raad van Provinsies | |
| Ampstermyn 22 Mei 2014 – 7 Mei 2019 | |
Persoonlike besonderhede | |
| Gebore | Tasneem Motara 7 Desember 1982 Benoni, Transvaal, Suid-Afrika |
| Nasionaliteit |  Suid-Afrika |
| Politieke party | African National Congress |
| Alma mater | Universiteit van Suid-Afrika |
Vroeë lewe
Motara is op 7 Desember 1982 in Benoni, Transvaal tot 'n Indiese vader en 'n kleurling moeder gebore. Nadat sy gematrikuleer het, het sy vir 'n graad in sielkunde aan die Universiteit van Suid-Afrika gestudeer.
Politieke loopbaan
Motara het in 2000 by die ANC-jeugliga se tak in Benoni aangesluit. Sy het al op die uitvoerende komitees van verskeie wyke en takke gedien. Sy dien tans as lid die ANC se plaaslike uitvoerende komitee in Ekurhuleni. Motara was ook aktief in die South African Students Congress.
Na die algemene verkiesing van Mei 2014 is Motara verkies om Gauteng in die Nasionale Raad van Provinsies, die hoërhuis van die Suid-Afrikaanse parlement, te verteenwoordig. Sy is as hoofsweep van die provinsiale afvaardiging aangestel. In Junie 2018 het die parlementêre moniteringsgroep 'n verslag oor die ouderdomme van parlementslede uitgereik. In die verslag is Motara aangewys as die sewende jongste parlementslid asook die jongste ANC LP van albei huise.
In die Mei 2019-verkiesing is Motara tot die Gauteng provinsiale wetgewer verkies. Sy is op 22 Mei as 'n lid van die wetgewer ingehuldig. Premier David Makhura het haar as die LUR vir infrastruktuurontwikkeling en eiendomsbestuur aangestel en sy is op 30 Mei ingesweer.
Persoonlike lewe
In Januarie 2018 het Motara aangekondig dat sy MIV-positief is. Sy het op 3 Julie 2020 vir Covid-19 positief getoets.
Verwysings
Eksterne skakels
| Hierdie artikel is in sy geheel of gedeeltelik vanuit Engelse Wiki vertaal. |
This article uses material from the Wikipedia Afrikaans article Tasneem Motara, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.