Wiki Afrikaans 2022: Tuisblad
AFVietnameseEnglish

Die Tamumassief is 'n uitgedoofde skildvulkaan in die noordwestelike Stille Oseaan,[1] met die eienskappe van 'n kruising tussen 'n mid-oseaniese rif en 'n skildvulkaan.[2] Op 5 September 2013 het navorsers aangekondig dat dit een vulkaan kan wees – dan sal die Tamumassief die grootste bekende vulkaan op aarde wees.[3] Die vulkaan is in die Shatsky Rise sowat 1 600 km oos van Japan geleë. Dit dek 'n gebied van sowat 553 000 km2. Sy kruin is sowat 1 980 m onder die oppervlak van die oseaan en sy basis is tot sowat 6,4 km diep.[3] Die vulkaan is sowat 4 460 m hoog.

Tamumassief
'n Batimetriese kaart van die vulkaan. 'n Batimetriese kaart van die vulkaan.
LiggingNoordwestelike Stille Oseaan
Hoogte4 460 meter bo seevlak
Koördinate33°N 158°O / 33°N 158°O / 33; 158Koördinate: 33°N 158°O / 33°N 158°O / 33; 158
BergtipeOndersese skildvulkaan
Laaste uitbarsting144,6 ± 0,8 miljoen jaar gelede

William Sager, 'n mariene geofisikus van die Universiteit van Houston het die vulkaan in omtrent 1993 begin bestudeer. Volgens hom en sy span is die Tamumassief "die grootste enkele skildvulkaan wat nog op aarde ontdek is". Ander vulkaniese verskynsels op die planeet is groter, soos die Ontong Java-plato, maar dit is nog nie vasgestel of hulle inderdaad 'n enkele vulkaan of eerder 'n kompleks van verskeie vulkane is nie.[4]

Verwysings

  1. Witze, Alexandra (5 September 2013). "Underwater volcano is Earth's biggest". Nature. doi:10.1038/nature.2013.13680.
  2. Witze, Alexandra (19 November 2015). "The world's biggest volcano is a magnetic mix-up". Nature. doi:10.1038/nature.2015.18842. S2CID 181358030.
  3. 3,0 3,1 Dennis Bryant (2013-09-05). "Possibly the largest single volcano on Earth". Maritime Magazine. Besoek op 2013-10-04.
  4. "Scientists Confirm Existence of Largest Single Volcano On Earth". ScienceDaily. 2013-09-05. Besoek op 2013-09-07.

Skakels

  •   Hierdie artikel is in sy geheel of gedeeltelik uit die Engelse Wiki vertaal.