Die T20I-wêreldbeker 2024 (Engels: 2024 ICC Men's T20 World Cup) word van 1 tot 29 Junie 2024 in die Verenigde State en Wes-Indië beslis.
Die artikel beskryf ’n sportgebeurtenis wat in die toekoms gaan plaasvind. Die inligting is moontlik spekulatief en kan vinnig verander soos data beskikbaar raak. |
Dit is die negende T20I-wêreldbeker in T20I-krieket wat deur die Internasionale Krieketraad (IKR) aangebied word en die eerste kriekettoernooi nog in die Verenigde State, terwyl Wes-Indië voorheen die 2010-toernooi aangebied het. Die vyf Karibiese eilandstate Antigua en Barbuda, Barbados, St. Lucia, St. Vincent en die Grenadine en Trinidad en Tobago, asook Guyana en die Verenigde State tree gesamentlik as gashere van dié toernooi op, meer as by enige ander T20I-wêreldbekertoernooi. Dit is ná die Krieketwêreldbeker 2007 en die T20I-wêreldbeker 2010 die derde groot kriekettoernooi in Wes-Indië.
Kenteken van die T20I-wêreldbeker 2024 | |
Datums | 1 Junie – 29 Junie |
---|---|
Bestuurder | Internasionale Krieketraad (IKR) |
Krieketformaat | Twintig20 (T20I) |
Toernooiformaat | Groep- en uitklopfase |
Gashere | Verenigde State Wes-Indië |
Deelnemers | 20 (83 kwalifiseer) |
Wedstryde gespeel | 55 |
← 2022 2026 → |
Die T20I-wêreldbeker 2024 is die eerste toernooi met 20 deelnemende nasionale krieketspanne, teenoor die 16 van die vorige vier T20I-wêreldbekertoernooie. Die 20 deelnemende nasionale krieketspanne is: Die twee gashere (die Verenigde State en Wes-Indië), die agt beste spanne van die vorige toernooi (Australië, Engeland, Indië, Nederland, Nieu-Seeland, Pakistan, Sri Lanka en Suid-Afrika), saam met die twee naasbeste spanne op die T20I-ranglys soos op 14 November 2022 (Afghanistan en Bangladesj) en die wenners van die kontinentale kwalifiseringstoernooie. In Julie 2023 het Ierland en Skotland die twee Europese plekke bepreek, terwyl Papoea-Nieu-Guinee die Oos-Asiatiese-Stille-Oseaan-plek bespreek het. In Oktober 2023 het Kanada as Amerikaanse kwalifiseerder gevolg en een maand later Nepal en Oman as Asiatiese kwalifiseerders, asook Namibië en Uganda as Afrikakwalifiseerders. Engeland is die verdedigende wêreldkampioen nadat hulle die T20I-wêreldbeker 2022 gewen het.
Tydens die T20I-wêreldbeker 2024 word 55 wedstryde gespeel, waaronder 40 tydens die eerste rondte, twaalf in die Super Agt, en drie in die uitklopfase, insluitende die eindstryd. Die spanne word in vier groepe van vyf elk verdeel, waarvan elke span een keer teen al die ander spanne in die groep speel. Die twee beste spanne van elke groep kwalifiseer hierna vir die Super Agt, waarvandaan die vier beste spanne vir die halfeindrondte kwalifiseer en die wenners mekaar in die eindstryd ontmoet. Elke wedstryd bestaan uit 20 boulbeurte per span. Die agt beste spanne van die T20I-wêreldbeker 2024 sal saam met die twee gashere van die 2026-toernooi regstreeks vir die volgende T20I-wêreldbeker 2026 in Indië en Sri Lanka kwalifiseer.
Die T20I-wêreldbeker 2024 is deur die Internasionale Krieketraad in November 2021 aan die Verenigde State en Wes-Indië toegewys. Ná jare se voorbereidings is ’n gemeensame bod deur Krieket Wes-Indië en VSA Krieket as deel van ’n strategiese ooreenkoms tussen dié twee beheerliggame ingedien. Die IKR beoog om met die toernooi die “Verenigde State op die internasionale krieketkaart te plaas”. Die toernooi is aan Noord-Amerika toegewys, omdat dié vasteland deur die wêreldbeheerliggam as een van die hoofgroeimarkte beskou word en hulle die doel gehad het, om die sport in die land te vertoon, waar die Olimpiese Somerspele 2028 beslis word, waartydens vir die eerste keer T20I-krieket ’n Olimpiese sportsoort sal wees. Die T20I-wêreldbeker 2024 is een van vyf groot internasionale toernooie wat die Verenigde State binne een dekade sal aanbied, saam met die FIFA Sokker-Wêreldbekertoernooi in 2026 (saam met Kanada en Meksiko), die Olimpiese Somerspele 2028, die Rugbywêreldbeker 2031 en die Vrouerugbywêreldbeker 2033.
In Oktober 2022 is berig dat die IKR VSA Krieket van sy regte as medegasheer ontneem het, nadat dié beheerliggaam steeds nie aan die IKR se finansiële protokolle voldoen het nie en kommer uitgespreek het oor VSA Krieket se finansiële situasie, insluitende ’n tekort aan sowat $650 000. Volgens verwagtinge sal dit egter nie die aanbieding van wedstryde in dié land raak nie.
Aan die T20I-wêreldbeker 2024 sal 20 spanne kan deelneem. Die volgende twaalf spanne het regstreeks vir die T20I-wêreldbeker 2024 gekwalifiseer: Die twee gashere (Verenigde State en Wes-Indië), die agt beste spanne van die vorige T20I-wêreldbeker 2022 (Australië, Engeland, Indië, Nederland, Nieu-Seeland, Pakistan, Sri Lanka en Suid-Afrika) en die twee naasbeste spanne op die T20I-ranglys soos op 14 November 2022 (Afghanistan en Bangladesj). Indien die Verenigde State en Wes-Indië die 2022-toernooi nie onder die beste agt spanne kon afsluit nie sou dit beteken dat die twee beste ongekwalifiseerde spanne op die IKR se T20I-ranglys vir die 2024-toernooi kwalifiseer; sou een van die twee gashere onder die beste agt spanne wees, sou hul plek aan die naasbeste ongekwalifiseerde span gaan, indien nodig. Die oorblywende agt plekke is tydens plaaslike kwalifiseringstoernooie bespreek, met twee spanne elk uit Afrika, Asië en Europa, saam met een span elk uit die Amerikas en die Oos-Asië-Pasifiek-streek. In Mei 2022 het die IKR die plaaslike kwalifiseringstoernooie vir Europa, Oos-Asië-Pasifiek en Afrika bevestig. Aangesien reeds vyf Asiatiese spanne vir die T20I-wêreldbeker 2024 gekwalifiseer en tydens die Asiatiese kwalifisering Nepal en Oman twee bykomende plekke bespreek het, is dit die eerste internasionale kriekettoernooi nog, waaraan sewe Asiatiese spanne deelneem. Dit is ook die eerste T20I-wêreldbekertoernooi met drie spanne uit die Amerikas en Afrika elk, asook vier Europese spanne. Nes die medegasheer die Verenigde State is Kanada die tweede nuweling uit die Amerikas.
Ierland en Skotland het die twee Europese kwalifiserende spanne geword, nadat hulle dié streek se kwalifisering in Julie 2023 onderskeidelik in die eerste en tweede plek afgesluit het. In dieselfde maand het Papoea-Nieu-Guinee die Oos-Asiatiese-Stille-Oseaan-kwalifisering gewen. In Oktober 2023 het Kanada die Amerikaanse kwalifisering gewen en vir die eerste keer vir ’n T20I-wêreldbekertoernooi gekwalifiseer. Een maand later het Nepal en Oman die Asiatiese kwalifisering se eindstryd gehaal en sodoende vir die toernooi gekwalifiseer. In dieselfde maand het Namibië en Uganda die twee Afrikaplekke bespreek. Namibië kon vir sy derde agtereenvolgende toernooi kwalifiseer, nadat hulle die Afrikakwalifisering onoorwonne afgesluit het, terwyl Uganda vir sy eerste internasionale kriekettoernooi nog kon kwalifiseer. In dié proses het albei spanne onder andere die volle lid Zimbabwe en Kenia geklop; vir Uganda was dit die eerste oorwinning nog oor ’n volle lid, waarmee Zimbabwe die enigste lid met dié status is wat die T20I-wêreldbeker 2024 misloop. Daarbenewens het Uganda ná die volle lede Suid-Afrika en Zimbabwe, asook die assosiaatlede Namibië en Kenia die vyfde Afrikaland geword wat vir ’n internasionale kriekettoernooi kon kwalifiseer.
Span | Kwalifiseringmetode | Verskynings by eindstryde | Laaste verskyning | Vorige beste prestasie |
---|---|---|---|---|
Wes-Indië | Gasheer | Negende | 2022 | Kampioen (2012, 2016) |
Verenigde State | Eerste | – | Debuut | |
Australië | Regstreeks | Negende | 2022 | Kampioen (2021) |
Engeland | Negende | 2022 | Kampioen (2010, 2022) | |
Indië | Negende | 2022 | Kampioen (2007) | |
Nederland | Sesde | 2022 | Tweede rondte (2014, 2022) | |
Nieu-Seeland | Negende | 2022 | Naaswenner (2021) | |
Pakistan | Negende | 2022 | Kampioen (2009) | |
Sri Lanka | Negende | 2022 | Kampioen (2014) | |
Suid-Afrika | Negende | 2022 | Halfeindrondte (2009, 2014) | |
Afghanistan | T20I-ranglys op 14 November 2022 | Sewende | 2022 | Tweede rondte (2016, 2021, 2022) |
Bangladesj | Negende | 2022 | Tweede rondte (2007, 2014, 2016, 2021, 2022) | |
Ierland | Europese kwalifisering | Agtste | 2022 | Tweede rondte (2009, 2022) |
Skotland | Sesde | 2022 | Super Twaalf (2021) | |
Papoea-Nieu-Guinee | Oos-Asiatiese-Stille-Oseaan-kwalifisering | Tweede | 2021 | Eerste rondte (2021) |
Kanada | Amerika-kwalifisering | Eerste | – | Debuut |
Nepal | Asiatiese kwalifisering | Tweede | 2014 | Eerste rondte (2014) |
Oman | Derde | 2021 | Eerste rondte (2016, 2021) | |
Namibië | Afrikakwalifisering | Derde | 2022 | Super Twaalf (2021) |
Uganda | Eerste | – | Debuut |
In April 2023 het Krieket Wes-Indië ’n deeglike bodproses begin vir lande in die Karibiese gebied en die Verenigde State wat wedstryde van die T20I-wêreldbeker 2024 wil aanbied.
In Julie 2023 het die Internasionale Krieketraad vier plekke in die Verenigde State op die kortlys geplaas: Fort Lauderdale (Sentrale Browardpark), Morrisville (Church Street Park), Dallas (Grand Prairie-stadion) en New York (Van Cortlandtpark); waarvolgens die toernooi in tien stede dwarsdeur Wes-Indië en die Verenigde State beslis sou word. Die mense en amptenare van die Bronx-gemeenskap het protes aangeteken teen die beplande krieketstadion by Van Cortlandtpark, waarvolgens die IKR besluit het om pleks daarvan ’n krieketstadion by Eisenhowerpark te bou.
Op 20 September 2023 het die Internasionale Krieketraad drie Amerikaanse stede vir die toernooi goedgekeur: Fort Lauderdale (Sentrale Browardpark), Dallas (Grand Prairie-stadion) en New York (Eisenhowerpark). Die IKR het besluit om ’n tydelike modulêre stadion, Eisenhowerparkkrieketstadion met ’n kapasiteit van 34 000, in Eisenhowerpark in Nassau County in New York op te rig en gelyktydig die kapasiteit vir die bestaande stadions in Fort Lauderdale en Dallas te verdubbel deur modulêre stadionoplossings soos sitplek-, media- en premium-gasvryheidsareas uit te brei.
Op 22 September 2023 het die Internasionale Krieketraad die sewe gasheerlande in die Karibiese gebied aangekondig: Antigua en Barbuda, Barbados, Dominica, Guyana, St. Lucia, St. Vincent en die Grenadine en Trinidad en Tobago. Jamaika was die enigste lid van Krieket Wes-Indië wat geen bod vir die aanbieding van wedstryde tydens die T20I-wêreldbekertoernooi ingedien het nie; die Jamaikaanse minister van jeug, sport en kultuur, Olivia Grange, het ’n bod op kostegronde uitgesluit.
In November 2023 is aangekondig, dat op Queen’s Park-ovaal in Trinidad en Tobago, dié land se grootste krieketstadion, geen wedstryde tydens die toernooi beslis sal word nie en die hier beplande wedstryde geskuif sal word na Brian Lara-krieketakademie in San Fernando. Nigel Camacho, die Queen’s Park-krieketklub se president, het aangekondig dat die stadion pleks daarvan opwarmingswedstryde voor die toernooibegin sal hou. Daarbenewens het Dominica se regering sy bod onttrek, waarvolgens op Windsorpark geen wedstryde sal plaasvind nie, en die stadion se vertraagde opknapping aangevoer.
Vroeg in Desember 2023 het verteenwoordigers van beide die IKR en CWI ’n tweede inspeksie in die Karibiese gasheerlande en die plekke in die Verenigde State gedoen, waarvolgens hulle die gasheerplekke afgekondig het. Op 17 Januarie 2024 het die IKR die beplande ontwerp onthul van die modulêre stadion in New York, genoem Internasionale Krieketstadion Nassau County, wat volgens verwagtinge teen einde Mei 2024 klaar sal wees.
|
Die T20I-wêreldbeker 2024 word oor 29 dae tussen 20 verskillende nasies oor 55 wedstryde beslis. Dit begin op 1 Junie 2022 op Grand Prairie-stadion, Dallas, Texas, met die openigswedstryd tussen die medegasheer die Verenigde State en Kanada. Die toernooi eindig op Kensington-ovaal, Bridgetown, Barbados, op 29 Junie met die eindstryd, waartydens die wenner die T20I-wêreldbekertrofee sal inpalm.
Die volgende tabel dui die T20I-wêreldbeker 2022 se daaglikse program aan. ’n Pers blokkie dui op wedstryde tydens die eerste rondte, ’n siaan blokkie op die Super Twaalf, ’n groen blokkie op wedstryde tydens die uitklopfase en ’n geel blokkie op die eindstryd.
|
|
Die T20I-wêreldbeker 2024 sal deur 20 nasionale krieketspanne beslis word. Die spanne sal in vier groepe van vyf spanne elk verdeel word. Elke span sal een wedstryd teen elk van die ander spanne in dieselfde groep speel, dus sal elke span vier wedstryde in die eerste rondte speel. Twee punte sal vir ’n oorwinning toegeken word, een vir ’n onbesliste wedstryd en geen punte vir ’n nederlaag: spanne wat met dieselfde aantal punte eindig, sal volgens lopietempo, dan boultempo en dan die uitslag van die direkte ontmoeting gerangskik word. Die twee beste spanne van elke groep dring na die Super Agt deur.
In die geval van ’n gelykop (d.w.s. as albei spanne die gelyke aantal lopies aan die einde van hul onderskeidelike kolfbeurt aangeteken het), sal die wedstryd deur ’n Superboulbeurt beslis word. Dit sal van toepassing wees in alle fases van die toernooi.
Die Super Agt sal deur agt spanne in twee groepe van vier spanne elk beslis word, waartydens elke span een wedstryd teen elk van die ander spanne in dieselfde groep sal speel, dus sal elke span drie wedstryde in die Super Agt speel. Die kwalifisering sal gegrond wees op dieselfde kriterias as in die eerste rondte.
Van die begin van dié fase af sal die toernooi ’n uitklopformaat aanneem wat uit drie wedstryde bestaan: twee halfeindstryde en die eindstryd. Die wenner en naaswenner van elk van die Super Agt-groepe sal na die uitklopfase deurdring. Die groepwenner van albei groepe sal teen die naaswenner van die ander groep in die halfeindstryde speel. Elke wedstryd in die uitklopstadium moet met ’n oorwinning vir een van die spanne eindig. As daar ná albei kolfbeurte ’n gelykopuitslag is, sal die wenner deur ’n Superboulbeurt bepaal word.
Die agt beste spanne van die 2024-toernooi (saam met die 2026-gashere Indië en Sri Lanka) sal regstreeks vir die volgende T20I-wêreldbeker 2026 kwalifiseer.
Kwalifiseer vir die Super Agt. |
Uit die toernooi geskakel. |
Die wedstryde word in drie fases opgedeel, naamlik die eerste rondte, die Super Agt en die uitklopfase. Die groepe is op 5 Januarie 2024 bekend gemaak.
20 spanne sal aan die eerste rondte deelneem. Die twee beste spanne in elke groep sal na die Super Agt deurdring.
Span | S | W | V | O | P | LT |
---|---|---|---|---|---|---|
Indië | 0 | 0 | 0 | 0 | 0 | — |
Pakistan | 0 | 0 | 0 | 0 | 0 | — |
Ierland | 0 | 0 | 0 | 0 | 0 | — |
Kanada | 0 | 0 | 0 | 0 | 0 | — |
Verenigde State | 0 | 0 | 0 | 0 | 0 | — |
Span | S | W | V | O | P | LT |
---|---|---|---|---|---|---|
Engeland | 0 | 0 | 0 | 0 | 0 | — |
Australië | 0 | 0 | 0 | 0 | 0 | — |
Namibië | 0 | 0 | 0 | 0 | 0 | — |
Skotland | 0 | 0 | 0 | 0 | 0 | — |
Oman | 0 | 0 | 0 | 0 | 0 | — |
Span | S | W | V | O | P | LT |
---|---|---|---|---|---|---|
Nieu-Seeland | 0 | 0 | 0 | 0 | 0 | — |
Wes-Indië | 0 | 0 | 0 | 0 | 0 | — |
Afghanistan | 0 | 0 | 0 | 0 | 0 | — |
Uganda | 0 | 0 | 0 | 0 | 0 | — |
Papoea-Nieu-Guinee | 0 | 0 | 0 | 0 | 0 | — |
Span | S | W | V | O | P | LT |
---|---|---|---|---|---|---|
Suid-Afrika | 0 | 0 | 0 | 0 | 0 | — |
Sri Lanka | 0 | 0 | 0 | 0 | 0 | — |
Bangladesj | 0 | 0 | 0 | 0 | 0 | — |
Nederland | 0 | 0 | 0 | 0 | 0 | — |
Nepal | 0 | 0 | 0 | 0 | 0 | — |
Kwalifiseer vir die uitklopfase. |
Uit die toernooi geskakel. |
Agt spanne sal aan die Super Agt deelneem. Die twee beste spanne in elke groep sal na die uitklopfase deurdring.
Span | S | W | V | O | P | LT |
---|---|---|---|---|---|---|
A1 | 0 | 0 | 0 | 0 | 0 | — |
B2 | 0 | 0 | 0 | 0 | 0 | — |
C1 | 0 | 0 | 0 | 0 | 0 | — |
D2 | 0 | 0 | 0 | 0 | 0 | — |
Span | S | W | V | O | P | LT |
---|---|---|---|---|---|---|
A2 | 0 | 0 | 0 | 0 | 0 | — |
B1 | 0 | 0 | 0 | 0 | 0 | — |
C2 | 0 | 0 | 0 | 0 | 0 | — |
D1 | 0 | 0 | 0 | 0 | 0 | — |
Halfeindrondte | Eindrondte | |||||
26 Junie – Georgetown, Guyana | ||||||
Wenner Groep 1 | ||||||
Naaswenner Groep 2 | 29 Junie – Bridgetown, Barbados | |||||
Wenner Halfeindstryd 1 | ||||||
27 Junie – San Fernando, Trinidad en Tobago | Wenner Halfeindstryd 2 | |||||
Wenner Groep 2 | ||||||
Naaswenner Groep 1 |
T20I-wêreldkampioen 2024 |
---|
Eindstrydwenner |
T20I-wêreldbeker | |
---|---|
Suid-Afrika 2007 • Engeland 2009 • Wes-Indië 2010 • Sri Lanka 2012 • Bangladesj 2014 • Indië 2016 • Oman / Verenigde Arabiese Emirate 2021 • Australië 2022 • Verenigde State / Wes-Indië 2024 • Indië / Sri Lanka 2026 • Australië / Nieu-Seeland 2028 • Engeland / Ierland / Skotland 2030 |
This article uses material from the Wikipedia Afrikaans article T20I-wêreldbeker 2024, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.