Pondowaterbessie
Die Pondowaterbessie (Syzygium pondoense) is 'n klein boom wat tot 3 m hoog groei.
Dit kom dikwels in woude en in klipperige beddings van strome voor. Dit is endemies aan die Noordoos-Kaap, maar word tot in die suide van KwaZulu-Natal aangetref.
| Pondowaterbessie | |
|---|---|
 | |
Wetenskaplike klassifikasie  | |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Rosids |
| Orde: | Myrtales |
| Familie: | Myrtaceae |
| Genus: | Syzygium |
| Spesie: | S. pondoense |
| Binomiale naam | |
| Syzygium pondoense Engl. | |
Beskrywing
Die plant se enkele stam word tot 15 cm in deursnee. Die jong plant het 'n rooibruin bas wat na grys verkleur soos dit ouer word. Nuwe lote en blare is rooi van kleur. Die blare is blink donkergroen, maar ligter aan die onderkant. Blare word in reghoekige pare teenoorgesteld tot mekaar gedra. Hulle is leeragtig en 3–10 mm in breedte, met 'n opvallende hoofaar aan beide kante. Syare is fyn, rooierige en meer prominent ondertoe.
Die wit blomme het 'n massa van meeldrade wat in duidelik vertakte knoppies eindig. Die blomtyd is vroeg in die somer en in die vroeë herfs word rooi tot pers ronde vrugte geproduseer. Hulle is sowat 15 mm in deursnee en eindig in 'n blywende kelk.
Familie
Myrtaceae (wasbessiefamilie) is 'n familie van houtagtige plante met sowat vyf spesies wat boomgrootte bereik in Suider-Afrika. Lede word gekenmerk deur eenvoudige, alternatiewe en leeragtige blare. Die blomme is onopvallend, naak en word in digte okselstandige are gedra. In vroeëre jare is die vrugte van sommige spesies gekook om was te produseer, vandaar die familie se gewone naam.
Sien ook
Bronne
- Watter Boom is dit? Eugene Moll 2013 ISBN 978 1 77007 832 1
- Van Wyk, Braam & Van Wyk, Piet, 1997. Field Guide to Trees of Southern Africa, Struik Uitgewers: Kaapstad.
- (en) Syzygium pondoense Geargiveer 19 Maart 2015 op Wayback Machine by www.plantZAfrica.com
This article uses material from the Wikipedia Afrikaans article Pondowaterbessie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.