Suvarnabhumi Internasionale Lughawe
Suvarnabhumi Internasionale Lughawe (Thai: ท่าอากาศยาน สุวรรณภูมิ; RTGS: Suwannaphum; uit Sanskrit, सुवर्णभूमि, Golden Land), (IATA-kode: BKK, ICAO: VTBS), ook bekend as die Nuwe Bangkok Internasionale Lughawe, is een van twee internasionale lughawens wat Bangkok, Thailand bedien.
Die ander een is Don Mueang Internasionale Lughawe.
| Suvarnabhumi Lughawe ท่าอากาศยานสุวรรณภูมิ | |||
|---|---|---|---|
 | |||
| IATA: BKK – ICAO: VTBS | |||
| Opsomming | |||
| Tipe lughawe | Openbaar | ||
| Operateur | Airports of Thailand | ||
| Bedien | Bangkok | ||
| Ligging | 999 moo 1 Tambon Racha Thewa, Amphoe Bang Phli, Samut Prakan, Thailand | ||
| Spil vir | Asia Atlantic Airlines Bangkok Airways Business Air Jet Asia Airways Orient Thai Airlines Thai Airways International Thai Smile | ||
| Fokuspunt vir | Cathay Pacific China Airlines Emirates Airline | ||
| Hoogte bo seevlak | 5 vt / 1.67 m | ||
| Webtuiste | |||
| Aanloopbane | |||
| Rigting | Lengte | Oppervlak | |
| m | vt | ||
| 01R/19L | 4 000 | 13 123 | Teer |
| 01L/19R | 3 700 | 12 139 | Teer |
| Statistieke (2019) | |||
| Internasionale passasiers |  53 458 385 | ||
| Binnelandse passasiers | 11 966 179 | ||
| Totale passasiers | 65 424 564 | ||
| Lugbewegings | 380 052 | ||
| Vrag (ton) |  1 324 272 | ||
| Bron: Airports of Thailand | |||
Die lughawe het die lughawekode BKK by Don Mueang geërf na die ouer lughawe die hantering van internasionale vlugte gestaak het. 'n Moderne snelweg No.7 verbind die lughawe, Bangkok, en die swaarnywerhede op die Ooskus van Thailand, waar die meeste vervaardiging vir uitvoer plaasvind.
Opening
Suvarnabhumi is op 15 September 2006 amptelik geopen vir beperkte binnelandse dienste; en vir die meerderheid plaaslike en alle internasionale kommersiële vlugte op 28 September 2006.
Die lughawe is tans die belangrikste sentrum vir Thai Airways International, Bangkok Airways en Orient Thai Airlines. Dit dien ook as plaaslike poort en aansluitingspunt vir verskeie buitelandse rederye.
Ligging
Die lughawe is geleë in Racha Thewa in Bang Phli, Samut Prakan, sowat 25 kilometer (16 myl) oos van die middestad van Bangkok. Die naam Suvarnabhumi is deur Koning Bhumibol Adulyadej gekies en verwys na die hipotetiese goue koninkryk wat iewers in Suidoos-Asië geleë sou wees.
Die gebou is ontwerp deur Helmut Jahn van Murphy/Jahn Argitekte. Dit is hoofsaaklik gebou deur ITO JV. Die lughawe het die wêreld se hoogste vrystaande beheertoring (132 meter of 434 voet), en is die wêreld se vierde grootste enkelgeboulughawe (563 000 vierkante meter of 6 060 000 vierkante voet).
Suvarnabhumi is die sestiende besigste lughawe in die wêreld, die sesde besigste lughawe in Asië, en die besigste in die land, toe 53 miljoen passasiers in 2012 hanteer is. Dit is ook 'n groot lugvragsentrum, met 'n totaal van 96 rederye bedrywig.
Verwysings
 | Hierdie lugvaartartikel is 'n saadjie. Jy kan Wikipedia help deur dit uit te brei. |
| Hierdie artikel is in sy geheel of gedeeltelik vanuit die Engelse Wiki vertaal. |
This article uses material from the Wikipedia Afrikaans article Suvarnabhumi Internasionale Lughawe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.