Stroomop: Suid-Afrikaanse rolprent

Dit handel oor vyf vroue wat besig is om in hul eie realiteite verstrengel te raak. Dit is grootliks geskiet langs die Oranjerivier in die Onseepkans-gebied.

Dit is 'n avontuurrolprent. Die ouderdomsbeperking is 10-12 PG LV (taal en geweld). Die rolprent se slagspreuk is Raak verlore. Vind jouself.

• Donnalee Roberts as dr. Lana Marais
• Simoné Nortmann
• Chanelle de Jager as Adrie
• Ilse Klink
• Carla Classen
• Armand Aucamp as Guy, die riviergids.

 

Vyf vroue, uit verskillende wêrelde, beland saam by groepsterapie. Donnalee Roberts speel 'n emosioneel uitgebrande chirurg, Ilse Klink is 'n bedroefde tipe A-prokureur, en haar opstandige studentedogter word deur Carla Classen gespeel, Chanelle de Jager speel 'n oorgewig, oorstelpte huisvrou en ma van drie, en Simoné Nortmann 'n vreesbevange, jong data-analis in haar liefde verlaat. In 'n desperate poging om genesing te vind, bevind die vroue hulself op die Oranjerivier op voorgeskrewe avontuurterapie deur 'n selfhelpgroep. Tydens hulle avontuur lei wrywing tussen die vroue, wat elkeen met hul eie verskuilde en selfsugtige redes op die tog gegaan het, tot 'n ongeluk. In 'n spanningsvolle oomblik word die gids, Armand Aucamp, en die vroue van die roeiboot afgegooi en rondgemaal in die stroom. Die gids spoel weg en die vroue word aan hulself oorgelaat om te oorleef in die genadelose wildernis.

• https://afrikaansefilms.com/fliek/stroomop

• Lys van Afrikaanse rolprente