Stratosfeer
Die stratosfeer is die laag in die aarde se atmosfeer (of dampkring) tussen die troposfeer en die mesosfeer.
Die lae word geskei deur die tropopouse en die stratopouse, respektiewelik.
By die ewenaar begin die stratosfeer op ongeveer 17km bo die aardoppervlak (seevlak) en by die pole op ongeveer 10km. Op 'n hoogte van 50km gaan die stratosfeer oor na die mesosfeer.
Die begin van hierdie laag word - in teenstelling met die onderliggende troposfeer - gekenmerk deur 'n temperatuur wat toeneem soos die hoogte toeneem. Waar die stratosfeer oorgaan na die mesosfeer, neem die temperatuur weer af. Dit is ongeveer -50 °C by die laagste punt van die stratosfeer en tussen 0 en 30°C by die hoogste punt.
Die troposfeer en stratosfeer se samestellings verskil aansienlik. Die stratosfeer bevat meer osoon ('n vorm van suurstof) en minder waterdamp en Koolstofdioksiede as die troposfeer.
Bo in die stratosfeer vind mens 'n hoër konsentrasie osoon en dus word die gebied dan ook die osoonlaag genoem. Die toename van die temperatuur in die stratosfeer is as gevolg van die absorbering van die ultraviolet lig van die son. Die hoeveelheid straling wat deurdring verminder soos mens nader aan die aardoppervlak beweeg. Gekombineerd met die groter digtheid van die atmosfeer, skep dit 'n temperatuurdaling.
This article uses material from the Wikipedia Afrikaans article Stratosfeer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.