Steynsrus: Dorp in Vrystaat, Suid-Afrika
Steynsrus is 'n landboudorp in die Vrystaat, in Suid-Afrika, tussen Arlington en Kroonstad.
Die dorp is in 1910 gestig en genoem na Martinus Theunis Steyn, die sesde en laaste staatspresident van die Oranje-Vrystaat. Buite die dorp is 'n klipstapel op die plek waar Pres. Steyn gerus het. Die Eselskop-wildplaas is naby Steynsrus.
Steynsrus | |
|---|---|
  Steynsrus Steynsrus se ligging in Vrystaat | |
| Koördinate: 27°57′S 27°34′O / 27.950°S 27.567°O 27°34′O / 27.950°S 27.567°O | |
| Land |  Suid-Afrika |
| Provinsie | Vrystaat |
| Distrik | Fezile Dabi |
| Munisipaliteit | Moqhaka |
| Stigting | 1910 |
| Oppervlak | |
| • Totaal | 6,11 km2 (2,36 vk. myl) |
| Bevolking (2011) | |
| • Totaal | 1 312 |
| • Digtheid | 215/km2 (560/vk. myl) |
| Rasverdeling (2011) | |
| • Wit mense | 30.3% |
| • Indiërs/Asiërs | 3.6% |
| • Bruin mense | 2.6% |
| • Swart mense | 63.4% |
| • Ander | 0.2% |
| Taal (2011) | |
| • Afrikaans | 58.8% |
| • Sotho | 26.0% |
| • Engels | 8.5% |
| • Zoeloe | 1.6% |
| • Ander | 5.1% |
| Poskode (strate) | 9515 |
| Poskode (posbusse) | 9515 |
| Skakelkode | 056 |
NG gemeente gestig
Omdat in die jaar 1909 besluit is om 'n dorp op die plaas Modderfontein te stig, het die kerkleiers ook aan die werk gespring met die oog op 'n eie gemeente en op 30 Junie 1910 het die Ringskommissie van die Oostelike Ring die gemeente in 'n sinkgebou op Lovat-stasie gestig. Dit het bestaan uit dele van die gemeentes Kroonstad, Lindley, Senekal en Ventersburg. Die eerste kerkraadsvergadering is op 15 Augustus 1910 gehou op die plaas Blesbokspruit, wat aan Egbert Olivier behoort het, wat ook die eerste koster, skriba-kassier, asook die eerste Sondagskool-superintendent was, terwyl sy vrou die eerste orreliste was. Op hierdie plaas is ook die eerste dankofferbasaar in Julie 1911 gehou, want op 3 Junie 1911 is besluit om onmiddellik 'n begin te maak met die bou van 'n kerk. Byna twee jaar lank is die eredienste te Lovat-stasie gehou in 'n kerkgebou wat behoort het aan die br. Hendrik Eksteen.
Eindelik is die plaas Modderfontein, geleë 5 myl van die stasie af, van die heer Jozua Haasbroek vir 'n dorp aangekoop. Haasbroek het twee erwe uitgehou wat hy die kerkraad geskenk gegee het as pastoriegrond, en byna 2 morg waarop die kerk gebou kon word.
Sien ook
Bronne
This article uses material from the Wikipedia Afrikaans article Steynsrus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.