Die Sterretjies-bontpaling (Gymnothorax nudivomer) is 'n bontpaling wat wydverspreid voorkom in die Stille en Indiese oseane; meer spesifiek die Rooisee en aan die ooskus van Afrika suidwaarts tot by die Oos-Kaap.
In Engels staan die vis bekend as die Yellowmouth moray.
Sterretjies-bontpaling | |
---|---|
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Superklas: | |
Klas: | |
Subklas: | |
Infraklas: | |
Superorde: | |
Orde: | |
Familie: | |
Genus: | |
Spesie: | G. nudivomer |
Binomiale naam | |
Gymnothorax nudivomer (Günther, 1867) |
Die vis word tot 180 cm lank. Die bontpaling is geelbruin en die lyf is bedek met klein, wit kolletjies met donkerbruin rante wat digby mekaar is. Die kolletjies word groter en minder vanaf die kop na die stertvin.
Die bontpaling leef in kusrotsareas en aflandige koraal- en rotsriwwe in water wat 10 tot 165 m diep is. Hulle is gewoonlik alleenlopers maar kom ook in pare voor. Bedags word die vis gesien met net die kop wat by die skuiling uitsteek. Die vel is toksies, moontlik om homself te beskerm teen parasiete of aanvallers. Hulle jag snags op klein vissies en seekatte.
This article uses material from the Wikipedia Afrikaans article Sterretjies-bontpaling, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.