Sterkfonteindam

Die dam is in 1977 gebou en het 'n kapasiteit van 2 656 miljoen m³ en 'n oppervlakte van omtrent 67,26 km². Die damwal is 93 m hoog en is 'n grondwal. Die dam is in die Nuwejaarspruit (wat in die Wilgerivier invloei) geleë. Die Sterkfonteindam is deel van die Tugela-Vaal-waterprojek.

Sterkfonteindam
Die Sterkfonteindam in die Vrystaat.
Ligging	Harrismith
Provinsie/Land	Oos-Vrystaat, Suid-Afrika
Koördinate	28°26′54″S 29°01′22″O / 28.4484°S 29.0228°O / -28.4484; 29.0228 29°01′22″O / 28.4484°S 29.0228°O / -28.4484; 29.0228
Dam in	Nuwejaarspruit
Doel	Voorraaddam
Openingsdatum	1977
Eienaar	Departement van Waterwese
Soort dam	Grondvulling
Hoogte van wal	93 m
Lengte van wal	3060 m
Bakmaat	2 656 000 m3
Damoppervlak	67.26 km2

Dit is die hoofopgaareenheid van die Tugela-Vaalprojek en dien as 'n reserwedam waarvandaan water deur middel van die Wilgerivier (wat in die Vaaldam uitloop) na die Vaal- en die Bloemhofdam vrygelaat word wanneer hul watervlakke te laag daal.

Hoewel dit slegs 20 % van die wateroppervlakte van die Vaaldam beslaan, is die Sterkfonteindam se opgaarvermoë 10 % groter. Die gunstige faktore, asook die feit dat dit so na aan die eskarp is, waar die verdamping aansienlik laer is as in die gebiede waar die ander damme geleë is, maak dit uiters geskik as 'n reserwedam.

Toe dit in 1977 vir die eerste keer in bedryf gestel is, was die opgaarvermoe 1 203 miljoen m³. Die vermoë word in die tweede fase tot 2 656 miljoen m³ vergroot, terwyl die hoogte van die damwal van 63 tot 69 m en die kruinlengte daarvan van 2 290 tot 3 060 m vergroot word.

By volvlakhoogte sal die wateroppervlakte uiteindelik 6 937 ha beslaan. Na die uitbreidings sal die Sterkfonteindam die grootste grondvuldam in Suid-Afrika wees. Dit is ook die enigste Suid-Afrikaanse dam wat die lys van die Internasionale Kommissie van Groot Damme verskyn.

Vanweë die Sterkfonteindam se klein opvanggebied van 191 km² het dit nie vloedoorlope nie en dit is ook in die opsig waarskynlik die grootste dam ter wêreld sonder soortgelyke strukture.

•  
  Die eerste van drie inligtingsborde lang 'n rusarea 'n entjie van die R74 wat oor die dam uitkyk.
•  
  Die tweede inligtingsbord.
•  
  Die derde inligtingsbord.
•  
  Chalets langs die waterlyn. Let op die droë kondisies in die winter (bevorderlik vir brande).
•  
  Kampeer area langs die water.
•  
  Die grondwal aan die oostekant van die dam.
•  
  Die stuwal wat die Sterkfonteindam van die Driekloofdam skei.

• Lys van grootste damme in Suid-Afrika

• Wêreldspektrum, 1982, ISBN 0908409680, volume 27, bl. 166
• Lys van Suid-Afrikaanse Damme van die Departement van Waterwese.
• Op Pad in Suid-Afrika. B.P.J. Erasmus. 1995. ISBN 1-86842-026-4