Vanguard-Klas Duikboot: Britse klas duikbote
Die Vanguard-klas duikboot is 'n klas kernaangedrewe duikbote van die Britse Vloot wat interkontinentale ballistiese missiele dra.
Hierdie klas is ontwikkel ter ondersteuning van die Trident-kernmissielprojek.
Veertien jaar na die aanvang van Trident is die eerste duikboot, die HMS Vanguard, in diens gestel. Nog drie duikbote het gevolg: HMS Victorius, HMS Vigilant en HMS Vengeance. Hulle dra die Trident D5-missiele aanboord.
Hierdie klas is tweemaal so groot soos die Resolution-klas wat hulle vervang het. Die 16-buismissielstelsel is gebaseer op die 24-buisstelsel van die Amerikaanse Ohio-klas Trident duikbote.
Die duikbote word in hul geheel in Groot-Brittanje vervaardig. 'n Spesiale fasiliteit is gebou by die Devonshire Dock Hall waarin die duikbote vervaardig word. Skepe in dié klas benodig slegs 'n bemanning van 132 teenoor die 149 van 'n Polaris-duikboot. Dit is die gevolg van outomatisering in die nuwe duikbote. Die kernaandrywingstelsel sowel as die wapenstelsel is ook verbeter.
Tegniese besonderhede
| Item | Statistiek |
|---|---|
| Verplasing (oppervlak) | 15 130 metrieke ton |
| Verplasing (onderwater) | 16 000 metrieke ton |
| Lengte | 149,9 m |
| Breedte | 12,8 m |
| Aandrywing | Rolls-Royce, PWR-2, 20 507 kW reaktor |
| Spoed (oppervlak) | 20 knope |
| Spoed (onderwater) | 25 knope |
| Bemanning | 132 persone |
| Wapens | 4 x 533 mm torpedobuise 18 Spearhead torpedos |
Duikbote in die klas
| Naam | Duikboot | Wimpelnommer | Skeepsbouer | Kiel gelê | Te water gelaat | In diens gestel | Status |
|---|---|---|---|---|---|---|---|
| HMS Vanguard | 1 | S28 | Vickers Shipbuilding and Engineering, Barrow-in-Furness. | 3 September 1986 | 4 Maart 1992 | 14 Augustus 1993 | In diens |
| HMS Victorious | 2 | S29 | 3 Desember 1987 | 29 September 1993 | 7 Januarie 1995 | In diens | |
| HMS Vigilant | 3 | S30 | 16 Februarie 1991 | 14 Oktober 1995 | 2 November 1996 | In diens | |
| HMS Vengeance | 4 | S31 | 1 Februarie 1993 | 19 September 1998 | 27 November 1999 | In diens |
Bron
- The Illustrated Encyclopedia Of Destroyers Frigates & Submarines, Bernard Ireland en John Parker, 2015, ISBN 978-0-85723-601-2
This article uses material from the Wikipedia Afrikaans article Vanguard-klas duikboot, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.