Rami Malek (gebore 12 Mei 1981) is ’n Amerikaanse akteur en vervaardiger.
Hy is bekend vir sy rolle in die rolprente The Master (2012), Short Term 12 (2013), en Need for Speed (2014), en in die televisiereeks Mr. Robot (2015). In 2019 het hy vir sy rol as Freddie Mercury in die 2018-rolprent Bohemian Rhapsody ’n Oscar, Golden Globe, Screen Actors Guild Award en Bafta vir beste akteur gewen.
Rami Malek | |
Geboortenaam | Rami Said Malek |
---|---|
Geboorte | 12 Mei 1981 Los Angeles, Kalifornië, Verenigde State |
Nasionaliteit | Amerikaans |
Beroep(e) | Akteur en vervaardiger |
Aktiewe jare | 2004-tans |
Toekennings | Golden Globe as beste akteur in ’n drama |
Internet-rolprentdatabasis-profiel |
Ek is Egipties. Ek het as kind na Egiptiese musiek geluister. Ek was mal oor Umm Kulthum. Ek was mal oor Omar Sharif. Dit is my mense. Ek voel so wonderlik verbind aan die kultuur en die mense wat daar woon. Ek erken ek het ’n ander ondervinding, maar ek is so bekoor deur en verweef in die Egiptiese kultuur. Dit is die materiaal waarvan ek gemaak is.
Malek is op 12 Mei 1981 in Los Angeles gebore vir Egiptiese immigrantouers, Said Malek en Nelly Abdel-Malek.
Hy het ook al beweer ’n agtste van sy oorsprong is Grieks-Egipties. Sy ouers het in 1978 uit Kaïro getrek nadat sy pa, ’n toergids, geïnteresseerd geraak het in sy besoekers uit die Weste. Sy pa het in Amerika versekering begin verkoop en sy ma is ’n rekenmeester.
Malek is in die Kopties-Ortodokse Kerk grootgemaak en het tot op vierjarige ouderdom Egiptiese Arabies by die huis gepraat. Hy het ’n identiese tweelingbroer, ’n onderwyser, en ’n ouer suster, ’n dokter.
Nadat hy in 1999 skool voltooi het, het hy teaterdrama aan die Universiteit van Evansville in Indiana studeer en in 2003 ’n BA-graad ontvang.
This article uses material from the Wikipedia Afrikaans article Rami Malek, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.