Miljard: Duisend miljoen
Miljard is die woord vir duisend miljoen of 1 000 000 000 (109).
Die SI-voorvoegsel vir ’n miljard is giga, afgekort as G. Voorbeeld: 1 GG = 1 gigagreep (gigabyte) = 1 miljard grepe. Die ontbinding van 1 miljard in priemfaktore is: 1 000 000 000 = 29 × 59.
In Engels word dié getal billion genoem, wat nie met die Afrikaanse woord biljoen verwar moet word nie. ’n Biljoen is duisend miljard of 1 000 000 000 000 (1012). Die rede vir die verskil in die name is omdat twee verskillende stelsels, die kort en die lang skaalverdeling, in verskillende dele van die wêreld gebruik word. In Afrikaans word die "lang skaal" gebruik en in Engels die "kort skaal".
Interessante feite
- ’n Miljard sekondes duur byna 32 jaar.
- ’n Miljardêr is ’n persoon met ’n betaalvermoë van meer as ’n miljard eenhede. Bill Gates is byvoorbeeld ’n miljardêr.
- Die Melkweg bevat tussen 200 en 400 miljard sterre.
Sien ook
Eksterne skakels
Wikiwoordeboek het 'n inskrywing vir miljard.
This article uses material from the Wikipedia Afrikaans article Miljard, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.