Internasionale Statistiese Klassifikasie Van Siektes En Verwante Gesondheidsprobleme
Die Internasionale Statistiese Klassifikasie van Siektes en Verwante Gesondheidsprobleme, gewoonlik afgekort as die Internasionale Klassifikasie van Siektes, is die internasionale standaard-diagnosehandleiding vir epidemiologie, gesondheidsbestuur en kliniese doeleindes.
Die Engelse naam is International Statistical Classification of Diseases and Related Health Problems, of kortweg International Classification of Diseases (ICD).
Die ICD word bygewerk deur die Wêreldgesondheidsorganisasie (WGO), die gesondheidsowerheid in die Verenigde Nasies-stelsel. Dit is ontwerp as ’n klassifikasiestelsel vir gesondheidsorg. Dit sorteer gesondheidstoestande saam in generiese kategorieë saam met spesifieke variasies en ken aan elk ’n kode toe van tot ses karakters. Groot kategorieë sluit dus ’n stel ooreenstemmende siektes in.
Die drie jongste uitgawes van die ICD is:
ICD-11
Werk het in 2007 begin en dit is in Mei 2019 aanvaar.
ICD-10
Werk het in 1983 begin en dit is in Mei 1990 aanvaar.
ICD-9
Dit is tussen 30 September en 6 Oktober 1975 opgestel.
Verwysings
This article uses material from the Wikipedia Afrikaans article Internasionale Statistiese Klassifikasie van Siektes en Verwante Gesondheidsprobleme, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.