Giroskoop
’n Giroskoop (van antieke Griekse γῦρος gûros, sirkel, en σκοπέω skopéō, om te kyk) is ’n toestel wat gebruik word vir die meet of handhawing van oriëntasie en hoeksnelheid.
Dit is ’n tollende skyf of wiel (wat 'n rotor genoem word) wat byvoorbeeld deur elektrisiteit aangedryf word en teen ’n baie hoë snelheid draai.
Die as van die rotor word gesteun deur ’n stelsel van konsentriese ringe, of beuels: op so ’n manier dat die beuels in die rondte kan draai of skuins kan staan sonder dat die rotor saam met hulle beweeg, volgens die behoud van hoekmomentum. ’n Giroskoop kom dikwels in ’n kardanophanging voor, sodat dit in al drie dimensies vry kan draai (sien skets).
Giroskope kan gebruik word in traagheidsnavigasietoestelle, soos in die Hubble-ruimteteleskoop, of in die staalromp van ’n duikboot wat onder die water is. Ander gebruike is in girokompasse, wat magnetiese kompasse kan aanvul of vervang (in skepe, vliegtuie en ruimtetuie, of voertuie in die algemeen), om stabiliteit te bevorder (fietse, motorfietse en skepe) of as deel van ’n traagheidsgeleidingstelsel.
Verwysings
Eksterne skakels
- The Royal Institution's 1974–75 Christmas Lecture Professor Eric Laithwaite
- One-Wheeled Robot-Gyrostat deur Olga Kapustina en Yuri Martynenko Wolfram Demonstrations Project
- The Little Top That Aims a Gun deur Gold Sanders, Popular Science, Julie 1945
- Wiki Afrikaans
Wiki Commons het meer media in die kategorie Giroskoop.
This article uses material from the Wikipedia Afrikaans article Giroskoop, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.