Die fagot (ook bekend as die baspyp) is ʼn besondere lang houtblaasinstrument, en ten einde dié blaasinstrument meer hanteerbaar te maak word dit in 'n U-vorm teruggevou.
Vanweë die lengte het die toonomvang na onder baie uitgebrei sodat dit 'n totale omvang van meer as drie oktawe het.
Gedurende Bach en Handel se tyd het die fagot vier kleppe gehad. Die instrument is in die laat 18e eeu en in die 19e eeu tegnies deur Carl Almenraeder en Wilhelm Heckel verbeter. Dit is 'n dubbelrietinstrument en is verwant aan die hobo.
Die toonmoontlikhede van die fagot is feitlik onbeperk. Afgesien van sy ryk en warm klanke, wat hom veral geskik maak vir solopassasies, kan hy ook uitstekend aansluit by die strykers en die koperseksie in die orkes. Vinnige lopies en staccato's word ook met gemak hanteer. Veral die staccato-gedeeltes word dikwels vir komiese effekte gebruik, wat dan ook die fagot die bynaam "nar van die orkes" besorg het.
Die kontrafagot is 5,93 m lank en is in 'n dubbele U-vorm teruggevou. Dit kan 'n oktaaf laer as die fagot speel.
'n Persoon wat die fagot bespeel, word 'n fagotblaser genoem.
Wiki Commons bevat media in verband met Fagot. |
This article uses material from the Wikipedia Afrikaans article Fagot, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.