Spaanse Verowering Van Die Asteekse Ryk

Die koms van die Spanjaarde het die einde vir die Asteekse Ryk beteken. Die veldtogte teen die Asteekse Driebond is deur die conquistador Hernán Cortés gelei.

Spaanse verowering van die Asteekse Ryk
Deel van die Spaanse verowering van die Amerikas
Asteekse krygers uit die Codex Mendoza
Datum Februarie 1519 – 13 Augustus 1521 teen die Asteekse Ryk na 1522 – 17 Februarie 1530 teen die Taraskaanse ryk Ligging Asteekse Ryk en ander inheemse ryke (hedendaagse Meksiko) Resultaat Spaanse en geallieerde inheemse oorwinning Vernietiging van Tenochtitlan en die Asteekse Driebond Stigting van Meksikostad en Nieu-Spanje Gebieds- veranderinge Anneksasie van die Asteekse, Taraskaanse en ander inheemse state as Nieu-Spanje deur die Spaanse Ryk
Strydende partye
Spaanse Ryk Tlaxcala Cempoala ondersteuning of toevallige alliansie: Otomis Mixquic Iztapalapa Xochimilco Texcoco	Asteekse Ryk (1519–1521) Tenochtitlan Tlatelolco Chalco Xochimilco Texcoco Tlacopan Geallieerde state: Teotitlan Onafhanklike state: Metztitlan Taraskaanse ryk (1522–1530) Koninkryk Tututepek Koninkryk Yopitzinco Koninkryk Zaachila Koninkryk Colliman Koninkryk Xalisco Chichimeca verskeie koninkrykies en stamme
Aanvoerders
Hernán Cortés Pedro de Alvarado Gonzalo de Sandoval Cristóbal de Olid Nuño de Guzmán Xicotencatl II (†) Xicotencatl I Maxixcatl Xicomecoatl	Moctezuma II (†) Cuitláhuac (†) Cuauhtémoc (†) Cacamatzin (†) Coanacochtzin (†) Tetlepanquetzal (†) Itzquauhtzin (†) Tangaxuan II
Sterkte
Spaanse conquistadores (totaal): ~2500–3000 infanterie 90–100 kavallerie 32 kanonne 13 brigantines Tlaxcala en ander geallieerdes: ~80 000–200 000 Cempoala: 400	Asteke: 300 000 Taraskane: 100 000
Ongevalle en verliese
1 800 soldate dood 1 000 dood in geveg 15+ kanonne verloor Tienduisende se Tlaxkal en ander inheemse geallieerde dood[verwysing benodig]	200 000 dood (insluitende burgerlikes) 300 oorlogskano's gekelder

 

 

Baie verslae van die veroweringe van die Asteekse Ryk deur die Spanjaarde is hoofsaaklik deur die Spanjaarde self geskryf. Die belangrikste en primêrste bronne is die briewe van Hernán Cortés en Karel V, en Bernal Diaz se geskrewe werk, True History of the Conquest of Mexico. Die primêre bronne van die bewoners, beïnvloed deur die verowering, word selde bekyk. Inheemse verslae is op die vroegste in 1528 vasgelê. Geskrewe in Nahuatl beskryf die inheemse bewoners van die Asteekse Ryk die sewe voortekens wat daar was voorafgaande die koms van die Spanjaarde in die Golf van Meksiko. Die sewe voortekens was:

1. 'n vreemde verskynsel aan die oostelike hemel,
2. vuur wat die tempel van Huitzilopochtli verwoes het,
3. 'n bliksemstraal wat die riettempel van Xiuhtecuhtli verwoes het,
4. die verskyning van wegskietende vuur oor die oseaan,
5. die "kook" en later oorstroming van 'n meer by Tenochtitlan,
6. 'n wenende vrou in die holst van die nag,
7. die vang van 'n onbekende wese met 'n visnet.

Die hueyi tlahtoani Moctezuma II (soms as Montezuma gespel) sou waarsêers geraadpleeg het om die oorsaak van hierdie voortekens te bepaal; maar die kon tot die koms van die Spanjaarde nie die presiese verklarings gee nie.

 

 

Die verowering van Tenochtitlan word meestal as verwysing gebruik om die begin van die verowering van Meso-Amerika aan te gee. Die proses was egter veel ingewikkelder en het langer as die drie jaar geduur wat Hernán Cortés nodig gehad het om Tenochtitlan te verower.

Selfs na die Val van Tenochtitlan was die meeste Meso-Amerikaanse kulture nog ongeskonde. Die Tlaxcalteke het hul deel van die verdrag verwag, die Purepecha en Mixteke was bly oor die nederlaag van hul lewenslange vyand, en ander kulture was waarskynlik net so bly oor hierdie nederlaag.

Daar was byna sestig jaar van oorlog voordat die Spaanse veroweraars Meso-Amerika verower het. Die vernaamste weerstand was die periode wat ook as die Chichimeken-oorlog bekend staan. Die Spaanse verowering van Yucatan het byna 170 jaar geduur. Die hele proses kon langer geduur het, het daar nie drie epidemies uitgebreek nie wat 'n swaar tol van die oorspronklike bewoners van Amerika geëis het. Deur hierdie epidemies het byna 75% van die bevolking gesterf en gevolglik het dit die ineenstorting van baie Meso-Amerikaanse kulture veroorsaak. Sommige glo dat siektes uit die Ou Wêreld, soos pokke, die dood van 90 tot 95 persent van die bevolking van die oorspronklike bewoners van die Nuwe Wêreld veroorsaak het.

• Wiki Afrikaans  Wiki Commons het meer media in die kategorie Spaanse verowering van die Asteekse Ryk.

	Geskiedenis van Meksiko
Meso-Amerika Olmeke • Mixteke • Tolteke • Teotihuacáne • Zapoteke • Maja • Tlaxcalteke • Asteke Kolonisasie Spaanse verowering van die Asteekse Ryk (1519–1521) • Spaanse verowering van Yucatan (1527–1697) • Nieu-Spanje (1535–1821) • Meksikaanse Onafhanklikheidsoorlog (1810–1821) 1821–1864 Eerste Meksikaanse Keiserryk (1821–1823) • Texaanse Onafhanklikheidsoorlog (1835–1836) • Koekoorlog (1838) • Meksikaans-Amerikaanse Oorlog (1846–1848) • Kasteoorlog (1847–1901) • Hervormingsoorlog (1857–1861) • Franse intervensie in Meksiko (1861–1867) 1864–1929 Tweede Meksikaanse Keiserryk (1864–1867) • Meksikaanse Rewolusie (1910–1920) • Cristero-oorlog (1926–1929) Moderne geskiedenis Chiapas-konflik (1994) • Dwelmoorlog in Meksiko (2006–hede)