Sophie Wilmès: Belgiese politikus, premier sedert 2019
Sophie Wilmès (gebore op 15 Januarie 1975 in Elsene/Ixelles) is 'n Belgiese politikus van die Franstalige, liberale Mouvement Réformateur-party (MR).
Van Oktober 2019 tot Oktober 2020 was sy die eerste vroulike eerste minister van België gewees. Van Oktober 2020 tot Julie 2022 was sy die adjunk-premier en onder meer die minister van Buitelandse Sake in die De Croo-kabinet gewees.
| Sophie Wilmès | |
.jpg) Sophie Wilmès in 2020 | |
Federale adjunk-premier | |
| Ampstermyn 1 Oktober 2020 – 14 Julie 2022 | |
| Eerste minister | Alexander De Croo |
|---|---|
| Voorafgegaan deur | David Clarinval (MR) |
| Opgevolg deur | David Clarinval |
Federale minister van Buitelandse Sake | |
| Ampstermyn 1 Oktober 2020 – 14 Julie 2022 | |
| Eerste minister | Alexander De Croo |
| Voorafgegaan deur | Philippe Goffin |
| Opgevolg deur | Hadja Lahbib |
| Ampstermyn 27 Oktober 2019 – 1 Oktober 2020 | |
| Monarg | Filip |
| Voorafgegaan deur | Charles Michel |
| Opgevolg deur | Alexander De Croo |
Federale minister van Wetenskapsbeleid en Staatsdiensaangeleenthede | |
| Ampstermyn 9 Desember 2018 – 27 Oktober 2019 | |
| Eerste minister | Charles Michel |
| Voorafgegaan deur | Zuhal Demir onderskeidelik Sander Loones |
| Opgevolg deur | David Clarinval |
Federale minister van Begroting en Nasionale Lotery | |
| Ampstermyn 22 September 2015 – 27 Oktober 2019 | |
| Eerste minister | Charles Michel |
| Voorafgegaan deur | Hervé Jamar |
| Opgevolg deur | David Clarinval |
Persoonlike besonderhede | |
| Gebore | 15 Januarie 1975 Elsene/Ixelles, Brusselse Hoofstedelike Gewes |
| Politieke party | Mouvement Réformateur |
| Eggenoot/-note | Christopher Stone |
| Kind(ers) | 4 |
| Alma mater | Institut des Hautes Études des Communications Sociales (IHECS), Haute École ICHEC – ECAM – ISFSC (beide in Brussel) |
Wilmès het in Grez-Doiceau (teenswoordig 'n munisipaliteit in die provinsie Waals-Brabant) grootgeword. Sy het toegepaste kommunikasiekunde en finansiële bestuur gestudeer en by die Europese Kommissie en 'n prokureursfirma gewerk.
Sy was vanaf 2000 tot 2006 'n lid van die munisipale raad van Ukkel in die Brusselse Hoofstedelike Gewes gewees. Sedert 2007 dien sy as 'n lid van die munisipale raad van Sint-Genesius-Rode in die provinsie Vlaams-Brabant en was tewens vanaf 2007 tot 2015 'n skepe van hierdie munisipaliteit gewees. Wilmès was ook vanaf 2012 tot 2014 die verteenwoordigende lid van die Union des Francophones-party in die provinsiale raad van Vlaams-Brabant gewees. Verder het sy vanaf Oktober 2014 tot September 2015 in die Kamer van Verteenwoordigers gedien, en was vanaf September 2015 tot Oktober 2019 'n federale minister in die regeringskabinette van Michel I en Michel II gewees.
Sophie Wilmès is van Joodse afkoms, is getroud met 'n Australiër en het vier kinders.
Eksterne skakels
- Wiki Afrikaans
Wiki Commons het meer media in die kategorie Sophie Wilmès. - (nl) Sophie Wilmès, Belgiese Owerheid
- (nl) België heeft een nieuwe, Joodse premier – alles wat u moet weten over Sophie Wilmès, Jonet.nl, 30 Oktober 2019
- (nl) Sophie Wilmès se webwerf
| Voorafgegaan deur Charles Michel | Eerste minister van België 2019–2020 | Opgevolg deur Alexander De Croo |
This article uses material from the Wikipedia Afrikaans article Sophie Wilmès, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.