Sont
Die Sont (Deens: Øresund, ; Sweeds: Öresund; ) is 'n noue seestraat wat die grens tussen Denemarke en Swede vorm en Seeland in Denemarke met Skåne in Swede skei.
| Sont | |
|---|---|
 Ligging van die Sont | |
 Kaart van die Sont | |
| Koördinate: | 55°47′N 12°45′O / 55.783°N 12.750°O 12°45′O / 55.783°N 12.750°O |
| Ligging: | Denemarke en Swede |
| Soort: | Seestraat van die Atlantiese Oseaan |
| Maksimum diepte: | 40 m |
| Lengte: | 181 km |
| Breedte: | 4,5 km |
| Invloei: | Oossee |
| Uitvloei: | Noordsee |
| Eiland/e: | Amager, Peberholm, Salthom, Ven |
| Nedersettings: | Kopenhagen, Malmö, Helsingør, Helsingborg |
Die straat is 118 kilometer lank en die breedte wissel van 4 kilometer tot 28 kilometer. Die engste punt bevind hom tussen Helsingør in Denemarke en Helsingborg in Swede.
Die Sont is tesame met die Groot Gordel, Klein Gordel en die Kiel-kanaal een van vier waterweë wat die Oossee met die Atlantiese Oseaan via die Kattegat, Skagerrak en Noordsee verbind, en is een van die besigste seeroetes ter wêreld.
Die Sont-brug, wat op 1 Julie 2000 ingewy is, verbind die Deense hoofstad Kopenhagen met die Sweedse stad Malmö en vorm sodoende 'n binasionale metropolitaanse gebied met sowat 4 miljoen inwoners. Die HH-veerbootroete tussen Helsingør in Denemarke en Helsingborg in Swede in die noorde van die Sont is een van die besigste internasionale veerbootroetes ter wêreld met meer as 70 ritte in beide rigtings per dag.
Die Sont is 'n geologies jong straat wat tussen 8 000 en 8 500 jaar gelede as gevolg van 'n stygende seespieël gevorm het.
Sien ook
Eksterne skakels
- Wiki Afrikaans
Wiki Commons het meer media in die kategorie Sont.
This article uses material from the Wikipedia Afrikaans article Sont, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.