Somaliërs

Hierdie artikel handel oor die etniese groep. Vir die taal, sien Somalies.

Hulle praat Somalies as moedertaal en Arabies as tweede taal. Somaliërs vorm die titulêre nasie van Somalië (12,3 miljoen) en belangrike minderhede in die buurlande Djiboeti (464 400), Ethiopië (4,6 miljoen), Jemen (200 000) en Kenia (2,4 miljoen). As gevolg van die Somaliese burgeroorlog het die Somaliese Diaspora ook in lande soos Australië, Kanada, Nieu-Seeland, Suid-Afrika, die Verenigde Koninkryk, die Verenigde State asook in verskeie Asiatiese en Europese lande gevestig. Wêreldwyd leef tussen 16 en 20 miljoen Somaliërs, met 'n groot aantal aan vlugtelinge.

Somaliërs
Totale bevolking:	ca. 16–20 miljoen
Belangrike bevolkings  in:	Somalië 12,3 miljoen  Ethiopië 4,6 miljoen  Kenia 2,4 miljoen  Djiboeti 464 600  Jemen 200 000  Kanada 150 000  Verenigde Koninkryk 108 000  Verenigde State 85 700  Swede 57 906  Verenigde Arabiese Emirate 50 000  Suid-Afrika 40 000  Noorweë 38 413  Nederland 37 432  Saoedi-Arabië 20 000  Denemarke 18 645  Finland 16 721  Duitsland 16 489  Australië 9 914  Italië 8 112  Pakistan 2 500  Nieu-Seeland 1 617
Taal:	Somalies
Geloofsoortuiging:	Islam (Soennitiese en Soefisme)
Verwante etniese groepe:	Afar • Agaw • Amhare • Beja • Oromo • Tigre • Tigrinya en ander Koesjitiese volke

Somaliërs en hul taal Somalies behoort tot die Koesjitiese tak van die Afro-Asiate. Hulle is oorwegend aanhangers van die Islamitiese godsdiens (Soennitiese en Soefisme met 'n klein minderheid van Sjiïete). Somaliërs beoefen tradisioneel die makmaak van diere soos beeste, bokke en skape. Die Somaliese samelewing is organiseer in klane, waartoe elke Somaliër deur sy vaderlike afkoms behoort.

Die Somaliërs vorm die derde grootste etniese groep in Ethiopië na die Oromo en die Amhare en vorm die titulêre nasie van die Ogaden-streek, een van nege etniese streke in Ethiopië. In Djiboeti is sowat 60% van die bevolking etniese Somaliërs, die grootste etniese groep nog voor die Afar met 35%.

In Suid-Afrika het sedert 1991 ten minste 40 000 Somaliërs gevestig, veral in groot stede soos Johannesburg, Durban, Kaapstad en Pretoria. Hulle het vinnig in die kommersiële sektor gevestig en werksgeleenthede vir hulself geskep en hul eie winkels geopen.

• Wiki Afrikaans  Wiki Commons het meer media in die kategorie Somaliërs.
• (en) "Somali". Encyclopædia Britannica. Besoek op 9 September 2018.