Soenie
'n Soenie (Neotragus moschatus) is 'n baie klein wildsbokkie wat in die suidooste van Afrika aangetref word.
| Soenie | |
|---|---|
 | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Neotragus |
| Spesie: | N. moschatus |
| Binomiale naam | |
| Neotragus moschatus Von Dueben, 1846 | |
Volwasse soenies het 'n gemiddelde massa van 3 kg en 'n hoogte van ongeveer 40 cm. Die rammetjies het horings wat tot 9 cm lank kan word. Die bokke is slank, met 'n relatief hoë agterkant. Die kleur wissel van grys tot rooibruin, met 'n wit ken, keel, binnebene en onderkant. Soenies se oë word deur 'n witterige ring omring en elke been het 'n swart band net bo die hoef. Hulle word hoofsaaklik in gebiede met digte struikgewasse aangetref.
Mannetjies assosieer met een tot vier wyfies. Die ooi skenk telkens aan 'n enkele lammetjie die lewe. Die lammetjies het 'n donkerder kleur en word buite sig gehou tot hulle kleur sodanig vervaag het dat dit genoeg kamoeflering verskaf.
Die bokke is skaam en hoofsaaklik snags aktief. Oordag slaap hulle in beskutte koeltes. Hulle vreet hoofsaaklik blare wat op die grond geval het, maar sal ook soms vrugte of swamme probeer vreet. Hulle kry die nodige vog uit hul dieet en is dus nie van 'n varswaterbron afhanklik nie.
Sien ook
Bronnelys en verwysings
- Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.
- Bora, S. 2002. "Neotragus moschatus". Animal Diversity Web. Verkry op 26 April 2009.
Eksterne skakels
Wikiwoordeboek het 'n inskrywing vir soenie.
This article uses material from the Wikipedia Afrikaans article Soenie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.