Slowake

Hierdie artikel handel oor die etniese groep. Vir die taal, sien Slowaaks. Moenie verwar word met Slowene nie.

Hulle vorm die titulêre nasie van Slowakye en maak volgens die laaste sensus van 2011 omtrent 81% van dié land se bevolking uit. Die meeste Slowake is aanhangers van die Rooms-Katolieke Kerk (62%).

Slowake
Totale bevolking:	ca. 6 miljoen
Belangrike bevolkings  in:	Slowakye ~4,4 miljoen  Verenigde State 742 738  Tsjeggië 147 152  Kanada 100 000  Verenigde Koninkryk 90 000  Serwië 52 750  Oostenryk 32 052  Hongarye 29 647  Duitsland 25 200  Argentinië 22 500  Roemenië 17 226  Frankryk 16 000  Italië 15 000  Australië 12 000  Ierland 10 801  Oekraïne 6 397  Kroasië 4 712  België 4 000  Brasilië 3 000  Chili 2 300  Pole 2 000  Nederland 1 800  Spanje 1 600  Israel 1 500  Suid-Afrika 800
Taal:	Slowaaks
Geloofsoortuiging:	Hoofsaaklik Rooms-Katolieke Kerk
Verwante etniese groepe:	Ander Wes-Slawiese volke soos Pole, Sorbe en Tsjegge

Wêreldwyd leef omtrent 6 miljoen Slowake, waarvan sowat 4,4 miljoen in Slowakye, 810 000 in die Verenigde State, 147 152 in Tsjeggië, 100 000 in Kanada, 90 000 in die Verenigde Koninkryk en 52 750 in Serwië. In Serwië leef die meeste Slowake in die streek Vojvodina saam met ander erkende minderhede, waar Slowaaks saam met ander die amptelke tale vorm. Naas Slowake leef nog minderhede soos Hongare (8,5%) en Roma (2%) in Slowakye.

Die naam van die Slowake is, soos dié van die Slowene, afgelei van die ou benaming vir die Slawiërs (sloveni). Die woordstam daarvan het nog in benamings soos Slowaaks (Slovenčina) en Slowakye (Slovensko) bewaar gebly.

• Wiki Afrikaans  Wiki Commons het meer media in die kategorie Slowake.