Die Slangbaber (Clarias theodorae) is 'n varswater vis wat voorkom in die Kunenerivier, Okavangorivier, die boonste en onderste gedeeltes van die Zambezirivier, Kafuerivier, Limpoporivier en die kusriviere van noordelike KwaZulu-Natal.
Buite Suider-Afrika kom hulle ook voor in die Malawimeer, Kongorivier-stelsel en die Rufigirivier in Tanzanië. In Engels staan die vis bekend as die Snake catfish.
Slangbaber | |
---|---|
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Superklas: | |
Klas: | |
Subklas: | |
Infraklas: | |
Superorde: | |
Orde: | |
Familie: | (Bonaparte, 1846) |
Genus: | (Scopoli, 1777) |
Spesie: | C. theodorae |
Binomiale naam | |
Clarias theodorae (Weber, 1897) |
Die Slangbaber het ‘n klein koppie, sowat een sesde van sy totale lengte, met vier paar baarde. In die bokaak is twee tandplate.
Die rugvin is baie lank, sowat twee derdes van die totale vis se lengte en loop tot voor die stertvin. Die vetvin is afwesig. Die stertvin is rond en goed ontwikkel. Die anale vin strek oor die helfte van die totale vislengte. Die buikvin is gepaard en swak ontwikkel. Die borsvin is gepaard en swak ontwikkel. Sy liggaamsvorm (profiel) is silindries en lank. Die skubbe is mikroskopies klein in slym.
Die vis se kleur is donkerbruin tot swart met die maag en vinne effens ligter.
Die vis word nie baie groot nie, sowat 30 cm en 200g.
Slangbabers word aangetref in vlak, stadigvloeiende of staande water met baie digte waterplante of soms in stroomversnellings waar klippe skuiling bied.
Hul word gevang met ‘n baie klein hoekie en waterlarwes, garnale, waterinsekte en erdwurms as aas.
This article uses material from the Wikipedia Afrikaans article Slangbaber, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.