Kreasionisme

Die term word egter meer gereeld gebruik om te verwys na die religieuse verwerping van evolusie, ten gunste van 'n interpretering van die skeppingverslag in die Bybel as 'n verduideliking wat die geskiedenis, diversiteit en ingewikkeldheid van lewe op aarde verklaar. Hierdie teenstryd staan as die kreasionisme-ewolusie-omstredenheid bekend. In Christelike kringe word kreasionisme gewoonlik op 'n letterlike interpretering van die skeppingsverhaal in die eerste boek van die Bybel, Genesis, gebaseer. Kreasionisme word sterk aan die Christelike religie gekoppel, alhoewel ander religieë ook Skepper-geleide skeppingsverhale het, maar wat tot variërende mates van die Christelike weergawe verskil.

'n Skeppingsleerder of kreasionis (Engels = creationist) is 'n Bybelgelowige persoon wat glo dat die Bybel vertel hoe en ongeveer wanneer die aarde geskape is. Hulle glo die volgende:

• Genesis 1, wat die skeppingsverslag in die Bybel is, leer dat God die aarde in ses 24-uur-dae geskape het en dat Hy al die lewende dinge volgens verskillende soorte geskape het en dat alle lewende dinge nie 'n gemeenskaplike voorvader het, soos evolusie beweer nie.
• Die geslagsregisters in Genesis 5, Genesis 11, 1 & 2 Konings en 1 & 2 Kronieke word gebruik om te bepaal dat die skepping ongeveer 4004 vC gebeur het (soos deur James Ussher en andere).
• Die sondvloed in Genesis 6 en Genesis 7 verklaar die meeste geologiese verskynsels wat ons vandag waarneem (sien ook Noag se ark).
• Die gebeure by die toring van Babel in Genesis 11 verklaar waar al die tale van die wêreld vandaan kom.
• Job 40 en 41 word as 'n moontlike bevestiging gebruik dat dinosourusse saam met mense op aarde was en nie 65 miljoen jaar gelede uitgesterf het nie.

• Evolusie
• Intelligente Ontwerp

• The Edinburgh Creation Group, met video's Geargiveer 21 Februarie 2007 op Wayback Machine (en)
• Kreasionisme op die Standford-ensiklopedie van Filosofie (en)
• Islamitiese oogpunt (en)
• Hindoeïstiese oogpunt (en)

Bekende skeppingsinstansies sluit die volgende in

• Creation Ministries International (Carl Wieland)
• The Institute for Creation Research
• Answers in Genesis (Ken Ham)

  Hierdie artikel is ’n saadjie. Voel vry om Wikipedia te help deur dit uit te brei.