Sjapoer I of Shapur I (Persies: شاپور) was die tweede koning van konings van die Sassanidiese Ryk.
Sy bewind word gewoonlik aangegee as 240/242 tot 270/272, maar hy het moontlik ook as medeheerser saam met sy pa regeer.
Sjapoer I | |
---|---|
Koning van konings | |
Dinastie | Huis van Sasan |
Bewind | 12 April 240 – Mei 270 |
Gebore | c. 215 |
Gesterf | Mei 270 (op 55) |
Voorganger | Ardasjir I |
Opvolger | Hormizd I |
Vader | Ardasjir I |
Die naam "Sjapoer" is ’n kombinasie van die woorde sjah ("koning") en puça ("seun"), en beteken dus letterlik "seun van die koning".
Sjapoer was die seun van Ardasjir I (224–242), die stigter van die Sassanidiese dinastie vir wie Sjapoer opgevolg het. Hy het sy pa op sy veldtogte teen die Partiërs vergesel wat in dié tyd ’n groot deel van die Iranse plato beheer het deur ’n stelsel van leenstate, waarvan Persië self nog deel was.
Die datum van sy troonbestyging word gewoonlik as 240 aangegee; dit was ook die jaar waarin Hatra verower en verwoes is. Hatra was sowat 100 km suidwes van Nineve en Mosoel in die hedendaagse Irak.
This article uses material from the Wikipedia Afrikaans article Sjapoer I, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.