Sitka
Die City and Borough of Sitka (Tlingit: Sheetʼká, Russies: Ситка), oorspronklik (onder Russiese bewind) Nowo-Archangelsk (Ново-Архангельск of Новоaрхангельск) is 'n sogenaamde unified city-borough (stad en administratiewe munisipaliteit) in die suidooste van die Amerikaanse deelstaat Alaska, met 'n bevolking van 8 881 volgens die sensus van 2010.
City and Borough of Sitka | |
|---|---|
Stad | |
 Die middestad van Sitka in 1984 | |
 | |
| Koördinate: 57°03′12″N 135°20′06″W / 57.05333°N 135.33500°W 135°20′06″W / 57.05333°N 135.33500°W | |
| Land |  Verenigde State |
| Deelstaat |  Alaska |
| Borough | Sitka |
| Stigting | 1799 (Russiese fort) |
| Geïnkorporeer op | 5 November 1913 |
| Regering | |
| • Burgemeester | Gary Paxton |
| Oppervlak | |
| • Totaal | 12 471,16 km2 (4 815,14 vk. myl) |
| • Land | 7 433,31 km2 (2 870,01 vk. myl) |
| • Water | 5 037,86 km2 (1 945,13 vk. myl) |
| Hoogte | 8 m (26 ft) |
| Bevolking | |
| • Totaal | 8 881 |
| • Digtheid | 1,16/km2 (3,01/vk. myl) |
| Tydsone | UTC-9 (Alaska) |
| • Somertyd | UTC-8 (Alaska) |
| Poskode | 99835 |
| Skakelkodes | 907 |
| Webwerf | cityofsitka.com |
Die stadsgebied van Sitka is op die weskant van die eiland Baranof en die suidelike deel van die eiland Chicagof geleë wat albei deel uitmaak van die noordelike Stille Oseaan se Alexander-argipel en die sogenaamde Alaska Panhandle. Met 'n oppervlakte van 2 870,3 vierkante myl of 7 434 vierkante km (sonder water) is Sitka die grootste city-borough in die VSA.
Drie beskawings het spore gelaat in die eilandgemeenskap se geskiedenis, kultuur en boukuns - inheemse Tlingit, Russe en Amerikaners.
Histories was Sitka tussen 1799 en 1867 die administratiewe setel van Russies-Amerika, 'n gebied wat deur die tsaristiese regering op 18 Oktober 1867 aan die Verenigde State verkoop is - 'n historiese datum wat in die deelstaat steeds as Alaska Day herdenk en gevier word (in Sitka as Alaska Day Festival). Na die nedersetting, wat in die weste deur die Stille Oseaan en sneeubedekte bergpieke met reënbosse aan hul voet omring word, is in die 19de eeu verwys as die Parys van die Stille Oseaan.
Toerisme in die gebied het reeds in die laat 19de eeu gefloreer. Die redery Pacific Coast Steamship Co. in San Francisco, Kalifornië het vanaf 1881 gereelde maandelikse plesierbootreise na Suidoos-Alaska aan boord van twee skepe, die Ancon en die Idaho, aangebied. Later is 'n derde plesierboot, die Eureka, in diens gestel. Passasiers moes $30 opdok vir die standaardkajuit, of $15 vir die goedkoopste opsie as tussendekpassasier.
In 1845 is die Russies-Ortodokse Kerk se sendingskool geopen wat onderwys in inheemse tale (Aleoeties, Tlingit en die Eskimotaal Inuïties), geneeskunde en Latyn aangebied het.
Verwysings
Eksterne skakels
- Toerisme
- (en) Visit Sitka: This is Sitka
- (en) Welcome to Sitka!
- Media
- Wiki Afrikaans
Wiki Commons het meer media in die kategorie Sitka. - YouTube.com: Perfect Little Planet - Exploring Sitka, Alaska
- YouTube.com: Alaska Day in Sitka - 2018
This article uses material from the Wikipedia Afrikaans article Sitka, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.