Sindhi's

Hierdie artikel handel oor die etniese groep. Vir die taal, sien Sindhi.

Ná die Verdeling van Indië in 1947 het die meeste Sindhi-Hindoes en Sindhi-Sikhs hulle in die nuutgestigte Dominium Indië en ander dele van die wêreld gevestig. Vandag bly Sindhi's in beide Indië en Pakistan. Indiese Sindhi's is veral Hindoes, terwyl Pakistanse Sindhi's veral Moslems is.

Sindhi's
Totale bevolking:	ca. 39 miljoen
Belangrike bevolkings  in:	Pakistan 28 894 400  Indië 2 772 264  Verenigde Arabiese Emirate 341 000  Maleisië 30 500  Verenigde Koninkryk 30 000  Afghanistan 19 500  Kanada 11 500  Indonesië 10 000  Verenigde State 9 801  Singapoer 8 800  Hongkong 7 500  Oman 700
Taal:	Sindhi
Geloofsoortuiging:	Pakistan: Islam Indië: Hindoeïsme en Sikhisme
Verwante etniese groepe:	Ander Indo-Ariërs soos Bengale, Gujarati's, Marathi's, Punjabi's, Rohingia en Singalese

Wêreldwyd leef byna 39 miljoen Sindhi's, waarvan sowat 29 miljoen in Pakistan (14,1% van die bevolking) en omtrent 2,7 miljoen in Indië (0,25%). Hul tuiste, Sindh, is in die suide van Pakistan langs die onderloop van die Indus geleë en grens in die suide aan die Arabiese See, 'n see van die Indiese Oseaan. Karatsji en Hyderabad is die belangrikste metropolitaanse gebiede in Sindh.

Die Sindhi-Islamitiese kultuur is veral deur Soefistiese leerstellings en beginsels beïnvloed. Van die kulturele ikone sluit in Raja Dahir, Shah Abdul Latif Bhitai, Lal Shahbaz Qalandar, Jhulelal, Sachal Sarmast en Shambumal Tulsiani.

• Wiki Afrikaans  Wiki Commons het meer media in die kategorie Sindhi's.

Hierdie artikel is in sy geheel of gedeeltelik vanuit die Engelse Wiki vertaal.