Seilbootjies

Die genusnaam beteken "blomskedeblaar" en verwys na die blomskede wat in die begin soos ’n blaar lyk.

Seilbootjies
Wetenskaplike klassifikasie
Koninkryk:	Plantae
Divisie:	Spermatophyta
Klas:	Monocotyledonae
Orde:	Alismatales
Familie:	Araceae
Genus:	Spathiphyllum
Spesie:	S. wallisii
Binomiale naam
Spathiphyllum wallisii Regel, 1877

 

Dit is ’n kruidagtige, meerjarige plant met ’n seilvormige skutblaar en grasieuse, spiespuntvormige blare. Die bloeiwyse, wat ’n "bloeikolf" genoem word, het een groot skutblaar, wat ’n "blomskede" genoem word. Daar is soms twee blomskedes, en dan is die boonste een kleiner. Die bloeikolf is gewoonlik room- of ivoorkleurig wanneer die plant jonk is en word mettertyd groen. Die blare is bodemstandig en blink en het dieperige are.

Spathiphyllum wallisii is een van sowat 40 spesies in ’n genus van tropiese immergroen plante. Dit is in die laat 19de eeu in Sentraal-Amerika ontdek waar dit wild gegroei het.

’n Paar kultivars, waarvan baie van hibridiese oorsprong is, is beskikbaar soos die groter hibriede "Mauna Loa”, wat na die Hawaise vulkaan genoem is en tot ’n meter hoog kan word, en die selfs groter “Sensation”, wat albei gewilde huisplante is.

As die plant nie blom nie, moet dit bemes word. Geel blare dui op te veel direkte sonlig. Rooimyte en plantluise kan ook voorkom.

• Blomme van Indië – seilbootjies
• Tropiese plante – seilbootjies
• Flickr Cluster – Spathiphyllum

• Wiki Afrikaans  Wiki Commons het meer media in die kategorie Seilbootjies.

• Wiki Afrikaans  Wikispecies het meer inligting verwant aan Seilbootjies
•   Hierdie artikel is vertaal uit die Engelse Wiki