Sedgefield
Sedgefield (voorheen Ruigtevlei genoem) is 'n dorpie geleë langs die Tuinroete tussen George en Knysna in die provinsie Wes-Kaap (Suid-Afrika).
Die N2 nasionale pad gaan deur die dorpie.
Sedgefield | |
|---|---|
  Sedgefield Sedgefield se ligging in Wes-Kaap | |
| Koördinate: 34°01′17″S 22°48′12″O / 34.02139°S 22.80333°O 22°48′12″O / 34.02139°S 22.80333°O | |
| Land |  Suid-Afrika |
| Provinsie | Wes-Kaap |
| Distrik | Tuinroete |
| Munisipaliteit | Knysna |
| Oppervlak | |
| • Totaal | 7,85 km2 (3,03 vk. myl) |
| Bevolking (2011) | |
| • Totaal | 8 286 |
| • Digtheid | 1 056/km2 (2 740/vk. myl) |
| Rasverdeling (2011) | |
| • Wit mense | 42.8% |
| • Indiërs/Asiërs | 0.3% |
| • Bruin mense | 29.5% |
| • Swart mense | 24.8% |
| • Ander | 2.6% |
| Taal (2011) | |
| • Afrikaans | 48.8% |
| • Engels | 26.7% |
| • Xhosa | 18.2% |
| • Sotho | 1.2% |
| • Ander | 5.1% |
| Poskode (strate) | 6573 |
| Poskode (posbusse) | 6573 |
| Skakelkode | 044 |
Geskiedenis
Die dorpie is in 1928 gestig toe die spoorlyn van George na Knysna voltooi is. Die dorpie se naam is ontleen aan die baie lappe biesiegras (sedge) in die omgewing.
Wapen
Sedgefield se munisipale raad het in 1980 'n wapen by die Buro vir Heraldiek geregistreer : In blou, drie swemmende visse bo mekaar geplaas, en in die skildhoof twee golwende streepbalke, alles van silwer. Die helmteken was 'n visarend op 'n vis, en die wapenspreuk "Pax in aquis placidis".
Eko-toerisme
'n Reeks vleie maak die gebied ideaal vir eko-toerisme: Groenvlei, Langvlei, Rondevlei en Swartvlei. Laasgenoemde mond by Sedgefield uit in die see. Swartvlei het ontstaan toe die riviervallei deur die stygende seevlak oorweldig is, terwyl Rondevlei ontstaan het uit 'n kom wat deur die wind geskep en later deur water gevul is. Langvlei is 'n verdronke depressie tussen die duine. Gerickespunt is ook 'n bekende landmerk onder die vissersgemeenskap, op die strand, net wes van die monding van Swartvlei.
Sien ook
Bronne
- Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
Verwysings
This article uses material from the Wikipedia Afrikaans article Sedgefield, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.