Santo Domingo
Santo Domingo (Spaans: , amptelik Santo Domingo de Guzmán, letterlik: Sint Dominicus de Guzman) is die hoofstad en grootste stad van die Dominikaanse Republiek, 'n land op die Karibiese eiland Hispaniola tussen die Atlantiese Oseaan in die noorde en die Karibiese See in die suide.
Die stad het 'n bevolking van 965 040 in 2010 gehad en het 'n oppervlakte van 104,44 km².
| Santo Domingo | |
|---|---|
| Kaart | Wapen |
 | |
 | |
| Vlag | |
 | |
| Land |  Dominikaanse Republiek |
| Provinsie | Distrito Nacional |
| Koördinate | 18°28′N 69°57′W / 18.467°N 69.950°W |
| Gestig op | 4 Augustus 1496 |
| Oppervlakte: | |
| - Totaal | 104,44 vk km |
| Hoogte bo seevlak | 14 m |
| Bevolking: | |
| - Totaal (2010) | 965 040 |
| - Bevolkingsdigtheid | 9 240/vk km |
| - Metropolitaanse gebied | 2 908 607 |
| Tydsone | PST (UTC -4) |
| Burgemeester | Roberto Salcedo |
| Amptelike Webwerf | adn.gob.do |
Geskiedenis
Santo Domingo is die oudste Europese nedersetting in die Amerikas en is op 4 Augustus 1496 deur Bartholomeüs Columbus, die broer van Christophorus Columbus, gestig. Ongeveer 40 jaar na die nedersetting se ontstaan het die goudreserwes uitgewerk geraak en die plaaslike Indiaanse arbeidsmag het uitgeput geraak as gevolg van siektes, oorloë en immigrasie. Die stad is geplunder deur Francis Drake in 1586 en beset deur Haïti van 1822 tot 1844. Daarna was hulle egter oorwin, verwilder en die Dominikaanse Republiek gestig. Van 1916 tot 1924 is die gebied beset deur Amerikaanse Marinierskorps. Op 3 September 1930 is die stad deur 'n tropiese sikloon feitlik vernietig en herbou. Die stad is in 1936 deur die diktator Rafael Trujillo hernoem na Ciudad Trujillo ([sjuˈðað tɾuˈhiʎo]) maar het sy oorspronklike naam in 1961 terug gekry.
Die koloniale stad van Santo Domingo is in 1990 deur Unesco as wêrelderfenisgebied gelys.
Lugvervoer
Die stad word deur twee lughawens bedien, die Las Américas Internasionale Lughawe en die ouer lughawe, Aeropuerto Internacional La Isabela.
Eksterne skakels
- Wiki Afrikaans
Wiki Commons het meer media in die kategorie Santo Domingo. - (es) Amptelike webwerf
- (en) (fr) Amptelike Unesco-bladsy
This article uses material from the Wikipedia Afrikaans article Santo Domingo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.