Sannaspos
Sannaspos is 'n spoorwegaansluiting sowat 30 km oos van Bloemfontein in die Vrystaat.
Die N8 nasionale pad gaan langs die nedersetting verby. Hier het 'n groot geveg in die Tweede Vryheidsoorlog plaasgevind tussen die Boere en Britse magte op 31 Maart 1900.
Sannaspos | |
|---|---|
  Sannaspos | |
| Koördinate: 29°9′0″S 26°32′0″O / 29.15000°S 26.53333°O 26°32′0″O / 29.15000°S 26.53333°O | |
| Land |  Suid-Afrika |
| Provinsie | Vrystaat |
| Metropolitaanse Munisipaliteit | Mangaung |
| Tydsone | UTC+2 (SAST) |
Slag van Sannaspos
Tydens die Tweede Vryheidsoorlog het Bloemfontein sy water van 'n keerwal in die Modderrivier by Sannaspos gekry. Na die oorname van Bloemfontein deur die Britte op 15 Maart 1900 het generaal Christiaan de Wet besluit om Sannaspos aan te val en Bloemfontein se watervoorraad af te sny. Die Boere het nuus gekry dat 'n Britse konvooi onderweg was van Thaba Nchu na Sannaspos en op 30 Maart hier sou kamp opslaan. Daar was reeds 'n Britse mag van 1 700 man onder bevel van generaal RG Broadwood by Sannaspos.
Die Boeremag van 1 500 het op 31 Maart 1900 teen sonop aangeval. Die meeste Britte was nog aan die slaap en Broadwood en sy mense is gedwing om te vlug. Generaal de Wet het 400 Britte gevange geneem en sy mense kon ook daarin slaag om die konvooi van 117 waens by Kroonspruit daar naby oor te neem.
Sien ook
Bronne
- Op Pad in Suid-Afrika. B.P.J. Erasmus. ISBN 1-86842-026-4
- Ensiklopedie van Suidelike Afrika, Eric Rosenthal, 1967.
This article uses material from the Wikipedia Afrikaans article Sannaspos, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.