Sandrivier: Rivier in die Vrystaat, Suid-Afrika
Die Sandrivier (voorheen Zand Rivier, Engels: Sand River, voorgestelde nuwe naam: Tikoerivier) is 'n rivier sentraal in die Vrystaat, Suid-Afrika.
- Hierdie artikel handel oor die bekende rivier in die Vrystaat. Vir ander riviere met dieselfde naam, sien Sandrivier (dubbelsinnig).
Die rivier is 'n sytak van die Vetrivier, wat op sy beurt saamvloei met die Vaalrivier by die Bloemhofdam.
| Sandrivier | |
|---|---|
,_crop.jpg) | |
| Stroomgebied | Vrystaat, Suid-Afrika |
| Oorsprong | Tweefontein, Vrystaat |
| Monding | Tierfontein Vetrivier |
| Lengte | 200 km (124 myl) |
| Oorsprong-hoogte | 1 660 m (5 446 voet) |
| Monding-hoogte | 1 260 m (4 134 voet) |
  Sandrivier | |
| Koördinate: 28°5′31″S 26°24′51″O / 28.09194°S 26.41417°O 26°24′51″O / 28.09194°S 26.41417°O | |
Die Sandrivier ontspring net suidoos van Paul Roux, vloei noordwes, kruis die N5 nasionale pad, swaai dan weer suidwes tot by Senekal waar dit weswaarts vloei. Die rivier vloei nou deur die Allemanskraaldam, kruis die N1 nasionale pad tussen Winburg en Ventersburg en vloei dan verby die dorp Virginia. Hiervandaan vloei die rivier steeds weswaarts, kruis die R710-streeksroete en net daarna sluit dit aan by die Vetrivier.
Die rivier het bekendheid verwerf met die ondertekening van die Sandrivierkonvensie tussen die Boere en Britte in 1852. Die rivier het sy naam ontvang nadat 'n wa in die sandbodem vasgeval het, en die vrag eers afgelaai moes word voor dit uitgesleep is.
Bronne
- South Africa Road Atlas. Mapstudio. 2010. ISBN 978-1-77026-154-9
- Ensiklopedie van Suidelike Afrika. Eric Rosenthal. 1967
Verwysings
This article uses material from the Wikipedia Afrikaans article Sandrivier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.