Die Samaritane (Samaritaanse Hebreeus: ࠔࠠࠌࠝࠓࠩࠉࠌ, Sjomerim (שַמֶרִים), Bewakers/bewaarders/beleeraars (van die Tora)) is 'n etnies-godsdienstige groep inheems aan die Levant en nes die Jode afkomstig van die Israeliete (of Hebreërs) van die antieke Midde-Ooste.
Vandag is daar sowat 800 Samaritane. Hulle bly in die dorp Kirjat Loeza op Berg Garizim naby Nablus, Wesoewer, en in die Israeliese stad Holon naby Tel Aviv.
Samaritane | |
---|---|
Samaritane op Berg Garizim | |
Totale bevolking: | 796 (2017) |
Belangrike bevolkings in: | Israel (veral Holon) 415 Kirjat Loeza, Wesoewer (gesamentlike Israeliese en Palestynse beheer) 381 |
Taal: | Moderne omgangstale: Hebreeus, Arabies |
Geloofsoortuiging: | Samaritaïsme |
Verwante etniese groepe: | Jode, ander Levantyne en Semitiese volke soos Arabiere • Assiriërs |
In die 4de eeu was daar volgens skattings enkele honderdduisende Samaritane, maar na eeue se onderdrukking, slagtings, grootskaalse bekeringe tot Christendom in die laat-Antieke Romeinse Ryk en die opkoms van Islam was daar in 1917 nog 146 Samaritane oor. Die naam van die Samaritane is afgelei van die landstreek Samaria waar dié volk ontstaan het. Hulle noem hulself Sjomerim (Bewakers/bewaarders/beleeraars). Die Samaritane praat moderne Hebreeus of Palestynse Arabies. Vir die liturgie gebruik hulle eie variante van die klassieke Hebreeus en Aramees.
Vir Christene is veral die veral van die "Barmhartige Samaritaan" bekend. Volgens die Evangelie volgens Lukas (10,30–37) het 'n Samaritaan 'n ernstig beseerde man versorg, hom na 'n hospitaal gebring en vir sy verdere mediese behandeling betaal, terwyl 'n Joodse priester en 'n Leviet hom geïgnoreer het. Van hierdie verhaal is die benaming vir 'n onselfsugtige helper en verskeie hulporganisasies afgelei.
Wiki Commons bevat media in verband met Samaritane. |
This article uses material from the Wikipedia Afrikaans article Samaritane, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.