Die Saalrug-varkvis (Bodianus bilunulatus) is 'n vis wat voorkom in die Indiese-Pasifiese area en aan die ooskus van Afrika vanaf Kenia tot by Margate.
In Engels staan die vis bekend as die Saddleback hogfish.
Saalrug-varkvis | |
---|---|
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Superklas: | |
Klas: | |
Subklas: | |
Infraklas: | |
Superorde: | |
Orde: | |
Familie: | Cuvier, 1816 |
Genus: | Bodianus |
Spesie: | B. bilunulatus |
Binomiale naam | |
Bodianus bilunulatus (Lacepède, 1801) |
Die volwasse visse is rooierig aan die bokant en witterig aan die onderkant. Die skubbe is wit met 'n rooi rant wat horisontale lyne op die vis se sye vorm. Die sylyn is aaneenlopend en daar is 'n swart vlek op die vis net onder die dorsale vin waar dit eindig. Daar is 'n tweede, kleiner swart vlek op die tweede straal van die dorsale vin en daar is 'n wit band wat strek van die bek tot by die rand van die operkulum. Die onvolwasse visse is bleekwit met rooierige horisontale lyne, geel aan die bokant en daar is 'n groot swart vlek van die dorsale vin tot by die anale vin. Die vis word tot 55 cm groot.
Die vis leef in aflandige koraalriwwe in water wat 8 – 108 m diep is en vreet skaaldiere, slakke en vis. Die vis kan oorleef in 'n groot akwarium.
This article uses material from the Wikipedia Afrikaans article Saalrug-varkvis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.