Sanae

Die naam verwys beide na die oorwinterbasisse (genommer in Romeinse syfers, bv. SANAE IV), en die span wat die winter deurleef in die basis (genommer in arabiese syfers, bv. SANAE 47). Die huidige basis, SANAE IV, is op Vesleskarvet in Koningin Maudland, Antarktika, geleë. Somerspanne bestaan uit die administratiewe- en onderhoudspersoneel, helikopterbemanning en wetenskaplikes uit verskillende lande en die bevolking kan tot 100 mense groei. Oorwinterspanne bestaan uit wetenskaplikes en ondersteuningspersoneel uit Suid-Afrika, tipies met 'n totaal van 10 lede in die afgelope jaar.

Die navorsingsprogram by die SANAE IV-basis word onder die vaandel van die Suid-Afrikaanse Nasionale Antarktiese Program (SANAP) uitgevoer.

Die eerste ekspedisie, SANAE 1, het oorwinter by Noorweë Stasie, wat oorgeneem is deur Suid-Afrika by Noorweë aan die einde van die IGY in 1958. Latere spanne het oorwinter by SANAE I, SANAE II en SANAE III, wat almal gebou was op die Fimbul-ysrak naby die Blåskimen-eiland. Omdat hierdie stasies gebou was op 'n bewegende ysrak, is hulle onvermydelik later onder sneeu begrawe, en het die ys uiteindelik afgebreek as deel van 'n ysberg wat weggedryf het. Opeenvolgende stasies is altyd op dieselfde geografiese posisie van S 70º18 W 2º22 gebou. SANAE IV is gebou op die nunatak Vesleskarvet in die hoop dat die basis 'n langer tydperk bruikbaar sal bly. Die eerste span wat in SANAE IV oorwinter het was SANAE 36 in 1997. Die basis is sedertdien ononderbroke beman.

• Die Suid-Afrikaanse Nasionale Antarktiese Program
• Gougheiland
• Marioneiland
• SA Agulhas
• SA Agulhas II

• Suid-Afrikaanse Navorsing Stasie Geargiveer 30 Desember 2008 op Wayback Machine – Amptelike webwerf
• Facebook Groep – SANAE spanbesprekings