Süddeutsche Zeitung
Süddeutsche Zeitung (afkorting: SZ, Duits: Suid-Duitse Koerant; uitspraak: ) is 'n Duitse gehaltedagblad wat deur die uitgewery Süddeutscher Verlag in München uitgegee en landwyd versprei word.
Naas verslaggewing oor gebeure in München en die deelstaat Beiere dek dit ook nasionale en internasionale nuus en word dit onder die belangrikste meningsvormende dagblaaie in Duitsland gereken. As sulks is dit in 1945 deur die destydse Amerikaanse besettingsmoondheid se Information Control Division gelisensieer. In die eerste kwartaal van 2017 was dit die grootste Duitse gehaltedagblad en die tweede grootste nasionale koerant (naas die poniedagblad Bild) met 365 938 verkoopte eksemplare.
Sedert 29 Februarie 2008 is 81,25 persent van die uitgewery Süddeutscher Verlag in besit van die houermaatskappy Südwestdeutsche Medien Holding (SWMH) met sy setel in Stuttgart.
Verwysings
This article uses material from the Wikipedia Afrikaans article Süddeutsche Zeitung, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.