Søren Kierkegaard: Deense filosoof, teoloog en psigoloog
Søren Kierkegaard (1813–1855) was 'n Deense filosoof, teoloog en psigoloog.
Sy invloed word deur talle 20ste eeuse eksistensiële, teologiese, poststrukturele, en postmoderne filosowe erken. Kierkegaard was baie krities oor die Hegelianisme en wat hy gesien het as die leë formaliteite van die Deense Nasionale Kerk. Baie van sy filosofiese werk fokus op hoe 'n persoon lewe, veral op die prioriteit van konkreet menslike realiteit bo abstrakte denke, en benadruk die belang van persoonlike keuse en toewyding. Sy teologiese werke fokus op Christelike etiek en (kritiek op) die Kerklike instelling. Sy psigologiese werke verken die emosies van mense wat lewenskeuses in die gesig staar.
| Søren Aabye Kierkegaard | |
 | |
Onvolledige portret van Søren Aabye Kierkegaard deur Niels Christian Kierkegaard, ca. 1840 | |
| Gebore | 5 Mei 1813 Kopenhagen, Denemarke |
|---|---|
| Oorlede | 11 November 1855 (op 42) Kopenhagen, Denemarke |
| Nasionaliteit |  Denemarke |
| Vakgebied | Christenskap, metafisika, epistemologie, estetika, etiek, sielkunde, filosofie |
| Alma mater | Universiteit van Kopenhagen |
| Beïnvloed deur | Aristoteles, Augustinus, Kant, Lessing, Luther, Schelling |
| Invloed op | Barth, Buber, Derrida, Heidegger, Ibsen, Lévinas, Marcel, Tillich, Wittgenstein |
| Handtekening |  |
Sy filosofiese metode is deur Sokrates en Sokratiese dialoë geïnspireer, en as deel daarvan is sommige van Kierkegaard se vroeë werke onder verskeie penname geskryf; as karakters wat hulle eie, onderskeidelike sienings bied en met mekaar komplekse gesprekke wissel.
This article uses material from the Wikipedia Afrikaans article Søren Kierkegaard, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.