Ruth Rendell
Ruth Barbara Rendell, barones Rendell of Babergh (née Grasemann; * 17 Februarie 1930, † 2 Mei 2015) was 'n Engelse skryweres van riller- en sielkundige misdaadromans.
Ruth Rendell | |
|---|---|
 | |
| Gebore | Ruth Barbara Grasemann 17 Februarie 1930 |
| Sterf | 02 Mei 2015 (op 85) Londen, Engeland |
| Nasionaliteit | Verenigde Koninkryk |
| Beroep | Skrywer |
| Bekend vir | Misdaadromans rondom hoofinspekteur Wexford |
| Eggenoot | Don Rendell |
| Kinders | Simon Rendell |
Gedurende haar langdurige literêre loopbaan, wat oor vyf dekades gestrek het, het meer as sestig romans uit haar pen verskyn, waaronder 'n reeks romans rondom haar gewildste karakter, hoofinspekteur Wexford, wat ook vir televisie verfilm is en groot sukses behaal het. Haar romans is in 'n twintigtal tale vertaal, en meer as sestig miljoen eksemplare daarvan is wêreldwyd verkoop.
Maar Ruth Rendell het ook grootliks bygedra tot die ontwikkeling van 'n subgenre van misdaadromans waarin sy diep in die sielkundige agtergrond van misdadigers en hul slagoffers gedelf het. Sy het lig gewerp op karakters wat sielkundig versteur of andersins sosiaal geïsoleer is. Meer lig op dié onderwerp is in 'n derde reeks romans gewerp wat onder die pennaam Barbara Vine verskyn het.
Verwysings
This article uses material from the Wikipedia Afrikaans article Ruth Rendell, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.