Rugby-Uitdaagreeks
Die Rugby-uitdaagreeks – om borgskapredes bekend as die SuperSport Rugby-uitdaagreeks – is ’n plaaslike rugbykompetisie in Suid-Afrika.
Die kompetisie word deur die Suid-Afrikaanse Rugbyunie georganiseer en al veertien Suid-Afrikaanse streek-/provinsiale spanne, asook die Welwitschias van Namibië en 'n Zimbabwiese Akademiespan neem deel. Die aanvangseisoen van die kompetisie was in 2017 en dit dien as plaasvervanger vir die Vodacombeker wat in 2015 ten einde geloop het.
| Rugby-uitdaagreeks | |
| 2019 Rugby-uitdaagreeks | |
| Sportsoort | Rugby |
|---|---|
| Gestig | 2017 |
| Eienaar | Suid-Afrikaanse Rugbyunie |
| Inwydingseisoen | 2017 |
| Deelnemende lande |  Suid-Afrika Namibië Zimbabwe |
| Aantal spanne | 16 |
| Mees onlangse kampioen | Griekwas (2019) |
| Verwante kompetisies | Curriebeker |
| Borg(e) | SuperSport |
Die kompetisie word gelyklopend met die Superrugbyseisoen gespeel. Dit dien as ’n belangrike ontwikkelingskompetisie vir Suid-Afrikaanse rugbyspelers.
Formaat
Die 16 spanne is geografies in twee afdelings – Noord en Suid – ingedeel. Elke span sal deur die loop van die seisoen een keer teen die ander spanne in dieselfde afdeling speel – óf ’n tuis- óf ’n wegwedstryd. Die wenner en tweede plek van elke afdeling sal dan in die halfeindronde speel. Sommige wedstryde word na 'n neutrale plek as deel van 'n 'SuperStack'-inisiatief verskuif, waartydens drie wedstryde – waaronder ’n plaaslike amateurklubwedstryd – op een terrein gespeel word, met gratistoegang tot hierdie wedstryde om rugby onder alle sosiale groepe te bevorder.
Spanne
Die spanne wat in 2019 in die Rugby-uitdaagreeks meeding is:
| Noordelike Afdeling | |
|---|---|
| Span | Geborgde naam |
| Blou Bulle | Vodacom Blou Bulle |
| Griekwas | Tafel Lager Griekwas |
| Griffons | Down Touch Griffons |
| Goue Leeus | Xerox Goue Leeus XV |
| Luiperds | Luiperds |
| Pumas | Steval Pumas |
| Valke | Hino Valke |
| Welwitschias | Windhoek Draught Welwitschias |
| Suidelike Afdeling | |
|---|---|
| Span | Geborgde naam |
| Boland Kavaliers | Boland Kavaliers |
| Grens Bulldogs | Grens Bulldogs |
| Natalse Haaie | Cell C Haaie XV |
| Oostelike Provinsie | Oostelike Provinsie Kings |
| SWD Arende | SWD Arende |
| Vrystaat Cheetahs | Toyota Vrystaat XV |
| Westelike Provinsie | DHL Westelike Provinsie |
| Zimbabwiese Akademiespan | Zimbabwiese Akademiespan |
Uitslae
Die uitslae van die Rugby-uitdaagreeks se eindstryde is soos volg:
| Rugby-uitdaagreeks-eindstryde | |||
|---|---|---|---|
| Seisoen | Wenner | Telling | Naaswenner |
| 2017 | Westelike Provinsie | 28–19 | Griekwas |
| 2018 | Pumas | 32–30 | Griekwas |
| 2019 | Griekwas | 28–13 | Pumas |
Sien ook
Verwysings
This article uses material from the Wikipedia Afrikaans article Rugby-uitdaagreeks, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.