Roomys
Roomys is 'n bevrore nagereg, wat van water of vloeibare suiwelprodukte, soos melk en room, suiker en 'n verskeidenheid geursels, soos byvoorbeeld vrugte, vanielje en kakao, gemaak word.
Roomys bevat soms ook eiergeel. Die mengsel word geklop of geroer, terwyl dit bevries word, om die vorming van yskristalle te verhoed en 'n romerige massa te verkry.
Alhoewel die term roomys soms gebruik word om na 'n verskeidenheid bevrore nageregte en snoeperye te verwys, is dit in die noue sin van die woord slegs van toepassing op produkte wat 'n hoë persentasie van melkvet bevat. Bevrore vla, jogurt, sorbet en ander soortgelyke produkte word dikwels ook roomys genoem. Die gebruik van die terme word in baie lande deur die owerhede beheer volgens die hoeveelheid van spesifieke bestanddele.
Roomys word in die algemeen as 'n bevrore produk verkoop of bedien. Dit word ook in geregte gebruik, waar die koue van die roomys met ander bestanddele kontrasteer, soos bv. in die geval van warm nageregte of selfs in "gebraaide" roomys.
Eksterne skakels
- Wiki Afrikaans
Wiki Commons het meer media in die kategorie Roomys. 
Wikiwoordeboek het 'n inskrywing vir roomys.
This article uses material from the Wikipedia Afrikaans article Roomys, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.