Stercorariidae: Seevoël familie
Stercorariidae of roofmeeue is 'n familie van seevoëls wat tot die orde Charadriiformes behoort.
Die familie bestaan uit 'n enkele genus van sowat sewe spesies. Die familie lyk effens soos gewone meeue, maar is hoofsaaklik bruin. Kenmerkend vir hul leefwyse is dat hulle ander seevoëls jag en hulle van hul prooi beroof. Roofmeeue word ook langs die Suider-Afrikaanse kus aangetref.
| Roofmeeue | |
|---|---|
_on_an_ice_floe,_Svalbard.jpg) | |
| Arktiese roofmeeu (Stercorarius parasiticus) | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | Stercorariidae |
| Genusse | |
| | |
Roofmeeue is taamlike groot, bruin seevoëls met skerp, geboë kloue en met sterk snawels wat in 'n haak eindig. Hulle broei naby die Noord- en Suidpoolgebied en oorwinter in gebiede op die laer breedtegrade. Kenmerkend vir hierdie voëlfamilie, wat uit 4 spesies bestaan, is dat hulle hoofsaaklik van die prooi van ander seevoëls soos meeue, sterretjies en malgasse leef.
Hulle val die voëls in skerp duikvlugte aan en agtervolg hulle totdat hulle hul prooi laat val of dit uitbraak. Roofmeeue vreet boonop ander voëls se eiers en kuikens en die bruinroofmeeu (Stercorarius skua) maak ook soms volwasse diere dood.
Die roofmeeu is die algemeenste spesie langs die Suider-Afrikaanse kus. Die Arktiese roofmeeu (Stercorarius parasiticus) en die knopstertroofmeeu (Stercorarius pomarinus) word net in die somer in Suid-Afrika aangetref, terwyl die langstertroofmeeu (Stercorarius longicaudus) glad nie hier voorkom nie. Hul broei in die noordelike toendra en vreet hoofsaaklik lemmings.
Bronnelys
- Wêreldspektrum, 1982, ISBN 0908409656, volume 24, bl. 104
This article uses material from the Wikipedia Afrikaans article Stercorariidae, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.