Rolene Strauss (gebore 22 April 1992) is ’n skoonheidskoningin van Bloemfontein wat in 2014 as Mej.
Suid-Afrika en Mej. Wêreld gekroon is. Sy is op Volksrust gebore en het haar skoolloopbaan daar voltooi (aan die Hoërskool Volksrust). Sy het haar mediese studie einde 2017 aan die Universiteit van die Vrystaat voltooi.
Rolene Strauss | |
---|---|
Gebore | Rolene Strauss 22 April 1992 |
Nasionaliteit | Suid-Afrika |
Beroep | Student |
Bekend vir | Mej. SA 2014 Mej. Wêreld 2014 |
Rolene het in 2000 op agtjarige ouderdom die kroning van Jo-Ann Strauss as Mej. Suid-Afrika beleef. Sy het gedroom van die dag dat sy self die kroon sou kon dra. Die twee skoonheidskoninginne is nie verwant aan mekaar nie.
In 2011 het sy in die topvyf geëindig tydens die Mej. SA-wedstryd, maar Melinda Bam het die titel verower.
In 2014 was sy een van die 12 finaliste wat aan die werklikheidsreeks Pad na Mej. Suid-Afrika deelgeneem het. In Maart 2014 is sy in die Sun City Superbowl as Mej. Suid-Afrika gekroon. Sy het ’n platinumkroon en ’n prys van R1,3 miljoen gewen. In haar aanvaardingstoespraak het sy gesê sy gaan haar toespits op gesondheidsvraagstukke en bygevoeg: "Ons is tot soveel meer in staat wanneer ons gesond is, liggaamlik, verstandelik en emosioneel."
Sy het Suid-Afrika hierna in die Mej. Heelal 2014- en Mej. Wêreld 2014-wedstryd verteenwoordig. Op 14 Desember 2014 is sy in Londen, Engeland, as die nuwe Mej. Wêreld gekroon. Mej. Hongarye is as die eerste prinses en mej. Amerika as die tweede prinses aangewys. Sy het die kroon oorgeneem by Megan Young van die Filippyne.
Rolene is op 29 Maart 2015 deur Liesl Laurie opgevolg as Mej. Suid-Afrika en op 19 Desember van dié jaar deur Mej. Spanje, Mireia Lalaguna, as Mej. Wêreld.
Voorafgegaan deur Marilyn Ramos | Mej. Suid-Afrika 2014 | Opgevolg deur Liesl Laurie |
This article uses material from the Wikipedia Afrikaans article Rolene Strauss, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.