Rio Madeira
Die Rio Madeira (Spaans: Río Madeira , letterlik Hout-rivier) is een van die grootste sytakke van die Amasonerivier in Suid-Amerika en volgens afloop die grootste sytak van die wêreld.
Die rivier, met 'n lengte van 3 380 km, vloei deur Bolivië en die Brasiliaanse deelstate Rondônia en Amazonas.
| Rio Madeira - Río Madeira | |
|---|---|
 | |
 Die stroomgebied van die Rio Madeira. | |
| Oorsprong | saamvloei van Río Madre de Dios en Río Mamoré naby Guayaramerín (Bolivië en Brasilië) |
| Monding | naby Itacoatiara in die Amasonerivier, Amazonas, Brasilië |
| Stroomgebied | Bolivië en Brasilië (Rondônia en Amazonas) |
| Lengte | 3 380 km (2 100 myl) |
| Oorspronghoogte | 180 m (591 voet) |
| Mondinghoogte | 40 m (131 voet) |
| Gemiddelde afloop | 31 200 m³/s |
| Stroomgebiedopp. | 850 000 km² (328 187 myl²) |
 Kaart van die Rio Madeira-bekken in Suid-Amerika. | |
Die Rio Madeira ontstaan deur die saamvloei van die Río Madre de Dios en Río Mamoré naby Guayaramerín in die noorde van Bolivië net wes van die grens tot Brasilië. Sommige van sy bronriviere ontspring ook in Peru. Die Rio Madeira vloei in noordoostelike rigting parallel tot die Rio Purus deur die Amasone-bekken in die weste van Brasilië, waar die Rio Madeira naby Itacoatiara in die Amasonerivier uitmond. Die grootste stad, wat aan die rivier geleë is, is Porto Velho, die hoofstad van die Brasiliaanse deelstaat Rondônia.
Sytakke
Die grootste sytakke (stroomaf):
- Río Abuná (links)
- Rio Jamari (regs)
- Rio Jiparaná (regs)
- Rio Ipixuna (regs)
- Rio dos Marmelos (regs)
- Rio Manicoré (regs)
- Rio Aripuanã (regs)
- Rio Canumã (regs)
Verwysings
- Wiki Afrikaans
Wiki Commons het meer media in die kategorie Rio Madeira.
This article uses material from the Wikipedia Afrikaans article Rio Madeira, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.