Richmond, Virginië
Richmond is die hoofstad van die deelstaat Virginië.
Die stad is langs die Jamesrivier geleë, sowat 160km suid van Washington, D.C.
| Richmond | |
|---|---|
| Kaart | Wapen |
 | |
 | |
| Vlag | |
| Land |  Verenigde State |
| Deelstaat |  Virginië |
| Koördinate | 37°32′N 77°28′W / 37.533°N 77.467°W |
| Stigting | 1737 |
| Geïnkorporeer op | 1780 |
| Oppervlakte: | |
| - Totaal | 162 vk km |
| Hoogte bo seevlak | 45,7 m |
| Bevolking: | |
| - Totaal (2013) | 211 172 |
| - Bevolkingsdigtheid | 1 318,4/vk km |
| - Metropolitaanse gebied | 1 231 980 |
| Tydsone | EST (UTC -5) |
| Somertyd | EDT (UTC -4) |
| Burgemeester | Dwight Clinton Jones |
| Amptelike Webwerf | ci.richmond.va.us |
Geskiedenis
Die eerste blanke besoekers was kapteins Christopher Newport en John Smith en hulle gevolg, slegs twee weke nadat hulle by Jamestown gearriveer het in 1607. Kaptein Francis West het hier 'n fort gebou gedurende 1609 maar na probleme met die Indiane word dit ontruim. Eers in 1637 het Thomas Stegg hier weer 'n handelspos gestig. Na die slagting van die Indiane in 1644 is Fort Charles gebou om die handeslpos te beskerm.
Onder Thomas Stegg se seun se leiding ontwikkel die handelspos na 'n handelssentrum wat onder andere in tabak, pels en ander kommoditeite handel dryf. Stegg junior laat alles na aan sy neef William Byrd en die handelssentrum staan bekend as Byrd's Warehouse. Byrd se seun, William Byrd II, stel in 1733 voor dat 'n dorp hier gebou word. Die dorp word uitgelê deur Majoor William Mayo in 1737 en word vernoem na Richmond on the Thames in Engeland. In 1742 word die dorp geproklameer en in 1779 word dit die hoofstad van Virginië.
Amerikaanse Burgeroorlog
Tydens die Amerikaanse Burgeroorlog was Richmond die hoofstad van die Gekonfedereerde State van Amerika.
Ekonomie
Tabakvervaardiging is by verre die grootste industrie in Richmond en verskeie sigaret-handelsname is hier gevestig.
Bron
- Collier's Encyclopedia Vol. 20 Bladsy 80.
| Hoofstede van die Verenigde State | ||||
|---|---|---|---|---|
| ||||
.svg)
This article uses material from the Wikipedia Afrikaans article Richmond, Virginië, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.