Reginald Fessenden

As kind het hy merkwaardige wiskundige vermoeëns vertoon, maar sy ouers frustreer met sy vergesogte idee van stemme oor die wêreld stuur sonder om drade te gebruik. Hy is by Trinity Kollegeskool en Bishop's Kollege onderrig.

Reginald Fessenden
Gebore	Reginald Aubrey Fessenden 6 Oktober 1866 East Bolton, Quebec, Kanada
Sterf	22 Julie 1932 (op 65) Bermuda
Nasionaliteit	Kanada
Beroep	uitvinder
Bekend vir	uitvinding van die radiotelefonie

Fessenden het Kanada verlaat om in Amerika te werk. In 1887 het hy die hoofchemikus by die Thomas Edison Laboratorium geword. In 1890 is hy as hoofelektrisiën deur George Westinghouse aangestel. Hy het sy diens in 1892 verlaat om 'n akademiese loopbaan in elektriese ingenieurswese na te volg - eers by Purdue Universiteit en daarna by Western University of Pennsylvania. Terwyl hy vir die VSA-weerburo gewerk het, het hy sy radiodeurbraak in 1900 gemaak. In 1902 het hy die National Electric Signalling Company met behulp van twee finansierders geskep. Hy het daarna die radioversendingstasie by Brandt Rock, Massachusetts gebou van waar hy die wêreld se eerste radioprogram uitgesaai het en die eerste draadlose stemboodskappe oor die Atlantiese oseaan ontvang het.

Fessenden het na New York verhuis waar hy 'n suksesvolle loopbaan in Onderwaterklank gehad het. Hy is op 22 Julie 1932 in sy huis by die see in Bermuda oorlede.

Reginald Fessenden was die eerste persoon wat mensestemme deur radiogolwe oorgedra het. Guglielmo Marconi was verantwoordelik vir die eerste oordrag van Morsekode, maar Fessenden is die vader van 'regte' stemradio. Op 23 Desember 1900 het Fessenden, wat op die Cobbeiland in die middel van die Potomacrivier gestaan het, die volgende woorde gesê: een-twee-drie-vier, sneeu dit waar jy is, mnr Thiesen? As dit is, telegrafeer asseblief vir my terug.

Een kilometer weg het mnr Thiesen die eerste draadlose stemboodskap wat ooit gestuur is, gehoor en geantwoord. Die kragtigste kommunikasiemedium van die eerste deel van die twintigste eeu is gebore.

Op Oukersaand in 1906 het Fessenden en sy vrou, Helen, die wêreld se eerste radioprogram uitgesaai na hy ses jaar bestee het aan die afronding van die deurbraak van 1900. Draadlose operateurs in die Boston-hawe en verder weg het gehoor hoe Fessenden O holy night speel en Helen en haar vriend Kersfeesliedere sing. In dieselfde jaar het Fessenden die eerste tweerigting-stemradiokommunikasie oor die Atlantiese oseaan gestuur tussen Brant Rock, waar hy 'n 420-voet-radiotoring opgerig het, en Skotland gevestig. Fessenden was ook verantwoordelik vir uitvindings soos die soniese dieptevinder, die elektriese giroskoop, die heterodine en turbo-elektriese aandrywing vir oorlogskepe. Hy het die eerste kraggenerasiestasie by Niagara-watervalle gebou en het uiteindelik vyf honderd patente gehou.

Hy het egter nooit dieselfde erkenning ontvang as wat belangrike eietydse uitvinders soos Marconi en Thomas Edison ontvang het nie. Hy is gespot omdat hy geglo het dat stem sonder drade oorgedra kon word en het die grootste deel van sy lewe in armoede deurgebring. Sy ouers het hom darem nader aan die einde van sy lewe, ryk gemaak en hy het die tevredenheid gehad om die skeptici die knoppe op hulle nuut gekoopte radio's te draai en die jongste weer- en nuusberigte te luister.

• Hugh G. J. Aitken, The Continuous Wave: Technology and American Radio, 1900–1932. Princeton University Press. Princeton, New Jersey. 1985.
• Ira Brodsky, "The History of Wireless: How Creative Minds Produced Technology for the Masses" (Telescope Books, 2008)
• Susan J. Douglas, Inventing American Broadcasting, 1899–1922. The Johns Hopkins University Press. Baltimore, Maryland. 1987.
• Orrin E. Dunlap, Jr., Radio's 100 Men of Science, Reginald Aubrey Fessenden entry, p. 137–141. Harper & Brothers Publishers. New York. 1944.
• Helen M. Fessenden, Fessenden: Builder of Tomorrows. Coward-McCann, Inc. New York. 1940.
• Reginald A. Fessenden, "The Inventions of Reginald A. Fessenden" Radio News, 11 part series beginning with the January 1925 issue.
• Reginald A. Fessenden, "Wireless Telephony," Transactions of the American Institute of Electrical Engineers, XXXVII (1908): 553–629.
• Gary L. Frost, "Inventing Schemes and Strategies: The Making and Selling of the Fessenden Oscillator," Technology and Culture 42, no. 3 (July 2001): 462–488.
• S. M. Kintner, "Pittsburgh's Contributions to Radio," Proceedings of the Institute of Radio Engineers, (December 1932): 1849–1862.
• David W. Kraeuter, "The U. S. Patents of Reginald A. Fessenden". Pittsburgh Antique Radio Society, Inc., Washington Pennsylvania. 1990. OCLC record 20785626.
• William M. McBride, "Strategic Determinism in Technology Selection: The Electric Battleship and U.S. Naval-Industrial Relations," Technology and Culture 33, no. 2 (April 1992): 248–277.