Taalkunde Reduplikasie

Voorbeelde sluit in die herhaling van twee woorde na mekaar, soos nou-nou en gou-gou.

Van Huyssteen (2014:197) definieer reduplikasie as die proses waar twee identiese komponentstrukture aan mekaar verbind om ’n nuwe woord met ’n nuwe betekenis te vorm. So byvoorbeeld beteken lag 'geluide met jou stem maak as iets snaaks is', terwyl lag-lag 'maklik' beteken.

Vier soorte reduplikasies kan onderskei word:

• Egte reduplikasie, byvoorbeeld gou-gou, plek-plek, sing-sing.
• Eggowoordreduplikasies, byvoorbeeld woer-war, wielie-walie, tjoef-tjaf.
• Onomatopeïese reduplikasie, byvoorbeeld hoep-hoep, hoe-hoe, tok-tok.
• Gedeeltelike reduplikasie, byvoorbeeld glim-glimlag.

Reduplikasie kom in feitelik alle tale van die wêreld voor, maar is slegs in 'n beperkte aantal tale 'n produktiewe woordvormingsproses. Ponelis (2001) toon byvoorbeeld aan dat reduplikasie wel in Nederlands voorkom, maar dat dit uiters beperk is.

• Combrink, J. 1996. `Nou-nou' maar net-net Europees http://152.111.1.87/argief/berigte/dieburger/1996/08/26/9/14.html datum van gebruik: 8 Augustus 2014.
• Francois. 2009. https://groups.yahoo.com/neo/groups/learn^{[dooie skakel]} afrikaans/conversations/topics/ 5074 2009 datum van gebruik: 8 Augustus 2014.
• HAT: handwoordeboek van die afrikaanse taal. 2005. 5de uitg. Kaapstad: Pearson Education.
• Ponelius, F. 2001. DIE OORSPRONGE VAN AFRIKAANS. http://www.archive.org/stream/rosettaproject_afr_detail 6/rosettaproject_afr_detail-6_djvu.txt datum van gebruik: 8 Augustus 2014.
• Prinsloo, A. 2009. Nie woer-woer nie http://152.111.11.6/argief/berigte/volksblad/2009/08/22/VB/7/taal379.html 21 aug 2009 datum van gebruik: 8 Augustus 2014.
• Van Huyssteen. 2014. Morfologie. (In Carstens, W.A.M. & Bosman, N., ed. Kontemporêre Afrikaanse Taalkunde. Pretoria: Van Schaik Uitgewers. p. 171-208)